ഭൗമാത്മകത ഒരു വിതാനമാണ്‌. ആദമിന്റെ സൃഷ്ടിയുടെ നിദാനം മണ്ണും. ആദമി(അ)ന്റെ സത്ത മണ്ണെങ്കിലും ജന്മം സ്വർഗത്തിലാണ്‌. ഇവിടെ നമുക്ക്‌ വായിക്കാനാവുക ഒരു ആരോഹണത്തിന്റെ തത്വമാണ്‌. മനുഷ്യൻ എന്ന ജീവിക്ക്‌ പക്ഷങ്ങൾ ലഭിക്കുക എന്ന ആശയം. അവൻ ഒരു വിശുദ്ധ വിഹംഗമം എന്ന പോലെയാവുക എന്നത്‌. എന്നാൽ പക്ഷിക്ക്‌ പക്ഷങ്ങൾ എന്നപോലെ പാദങ്ങളുമുണ്ടല്ലോ. പക്ഷങ്ങൾ ഉഡ്ഡയനത്തിനെങ്കിൽ പാദങ്ങൾ ഭൗമമായ വിതാനത്തിൽ ചലിക്കാനുള്ളതാണ്‌. അതിനാൽ ആദമിന്‌ ഇറങ്ങിവരേണ്ടതുണ്ടായിരുന്നു. തന്റെ അസ്തിത്വത്തിന്റെ നിദാനമായ ഭൂമിയിലേക്ക്‌. ആദമിന്റെ അവരോഹണമാണത്‌. എന്നാലും ജന്മം കൊണ്ടത്‌ സ്വർഗത്തിൽ ആയതിനാൽ ആദമിന്‌ അവരോഹണാനന്തരം വീണ്ടും ആരോഹണം നടത്തേണ്ടതുണ്ട്‌. സ്വർഗത്തിലേക്ക്‌ തിരിച്ചുചെല്ലേണ്ടതുണ്ട്‌. അപരിമേയമായ പരിശുദ്ധ ഉൺമയുടെ പ്രകാശ സ്വരൂപത്തിനു മുമ്പിൽ ആദം എത്തിപ്പെടുക തന്നെ വേണം.
ഇസ്റാഅ് -മിഅ്റാജ് വിഷയ സംബന്ധമായ വിശദമായ ലേഖനങ്ങൾ ഉൾക്കൊള്ളിച്ചുകൊണ്ടുള്ള പ്രത്യേക ഫീച്ചർ മുസ്ലിം പാത്ത്.കോം പ്രസിദ്ധീകരിച്ചത് ഇവിടെ ക്ലിക് ചെയ്ത് വായിക്കുക
യു.എ.ഇ യിലെ പള്ളികളിൽ പതിച്ചിട്ടുള്ള,വിതരണം ചെയ്യുന്ന ഔഖാഫ് പ്രസിദ്ധീകരിച്ച അറബിക് ലഘുലേഖ ഇവിടെ ക്ലിക് ചെയ്ത് ഡൌൺലോഡ് ചെയ്യാം. ഇതിന്റെ മലയാള വിവർത്തനം ഉടനെ .ഇൻശാ അല്ലാഹ് ( അയച്ചു തന്നത് സിറാജ് കൂവക്കാട്ടയിൽ)
No comments:
Post a Comment