കേരളയാത്ര -കാന്തപുരം / കേരള ശബ്ദം അഭിമുഖം

കേരളയാത്ര -കാന്തപുരം / കേരള ശബ്ദം അഭിമുഖം

അറിവാളന്മാരുടെ കത്തിവേഷം

Article by O.M. Tharuvana @ Siraj Daily on 27-02-2011

അറിവാളന്മാരുടെ കത്തിവേഷം

ചെറുശ്ശേരിക്ക് തരുവണയുടെ മറുപടി (ദേശാഭിമാനി ലേഖനം)

(ജൂണ്‍ 13ന് ചെറുശ്ശേരി സൈനുദ്ദീന്‍ മുസ്ലിയാരുടെ ലേഖനം ഞങ്ങള്‍ പ്രസിദ്ധീകരിച്ചിരുന്നു. അതില്‍ ഉന്നയിച്ച കാര്യങ്ങള്‍ക്ക് ഒ എം തരുവണ ഇവിടെ മറുപടി പറയുന്നു. സജീവജനശ്രദ്ധയിലുള്ള വിഷയം എന്ന നിലയ്ക്കാണ് "തിരുകേശ"ത്തെക്കുറിച്ചുള്ള അഭിപ്രായങ്ങള്‍ പ്രസിദ്ധീകരിച്ചത്. ഈ ചര്‍ച്ച ഇവിടെ അവസാനിപ്പിക്കുന്നു- പത്രാധിപര്‍ ദേശാഭിമാനി )


http://deshabhimani.biz/editorialcontent.php?id=26950



ഇനി വായിക്കുക
കാന്തപുരം എ പി അബൂബക്കര് മുസ്ലിയാര് ചെയ്യുന്നതെന്തോ, ഒരു വിവേചനവുമില്ലാതെ അതിനെയെല്ലാം കണ്ണടച്ച് എതിര്ക്കുകയാണ് ചെറുശ്ശേരി സമസ്തയുടെ പൊതുനയം. സമസ്ത കേരള ജംഇയ്യത്തുല് ഉലമ വഴിപിരിഞ്ഞിട്ട് രണ്ടു പതിറ്റാണ്ടേ ആയിട്ടുള്ളൂവെങ്കിലും ഈ നിലപാടിന് മൂന്നു പതിറ്റാണ്ടിന്റെയെങ്കിലും പഴക്കമുണ്ട്. ഒരുപക്ഷേ, സമസ്തയിലെ ഭിന്നിപ്പിനുതന്നെ കാരണം കൂട്ടത്തിലെ ചില പണ്ഡിതര്ക്ക് കാന്തപുരത്തോടുണ്ടായ ശമനമില്ലാത്ത വിദ്വേഷമാണെന്നു പറയാം. കാരന്തൂര്
മര്കസിലെ തിരുകേശവും ഇപ്പേരില് നിര്മിക്കാന് പോകുന്ന ഗ്രാന്ഡ് മസ്ജിദും ഇപ്പോള് വിവാദമായതിന് വേറെ കാരണങ്ങള് അന്വേഷിക്കേണ്ടതില്ല.

പുരോഗമനാത്മകമായ നിലപാടുകളെ നിരന്തര വിമര്ശങ്ങള്കൊണ്ട് വഴിമുടക്കുന്നതിനപ്പുറം ചെറുശ്ശേരിയുടെ നേതൃത്വത്തിലുള്ള സമസ്ത മുസ്ലിം സമുദായത്തിനുവേണ്ടി ഒന്നുംചെയ്യുന്നില്ല. ഇപ്പോള് നടക്കുന്ന തിരുകേശ വിവാദവും പ്രശ്നവുമായി ബന്ധപ്പെട്ട് ജൂണ് 13ന് (ദേശാഭിമാനി. പേജ് 6) സൈനുദ്ദീന് മുസ്ലിയാരുടേതായി വന്ന ലേഖനവും ഈ പശ്ചാത്തലത്തില് വേണം കാണാന് . നബി (സ്വ)യുടെ തിരുശേഷിപ്പുകള് സംബന്ധിച്ച് സൈനുദ്ദീന്
മുസ്ലിയാര് ഉന്നയിച്ച വാദഗതികള് അഹ്ലുസ്സുന്നഃയുടെ വിശ്വാസത്തിനെതിരാണ്. തിരുകേശം അംഗീകരിക്കാന് നബി (സ്വ)വരെ എത്തുന്ന സനദ് (കൈമാറ്റപരമ്പര) കണ്ടു ബോധ്യപ്പെടണം എന്ന ആശയം ഇസ്ലാമികമല്ല. മതത്തിലെ ഒരു പ്രമാണവും അങ്ങനെ അനുശാസിക്കുന്നുമില്ല. ഇമാം ഇബ്നുഹജരില്ഹയ്തമി, ഇമാം ദഹബി, ഇമാം സുയൂഥി തുടങ്ങി പൂര്വ പണ്ഡിതന്മാരെല്ലാം സ്വീകരിച്ച നിലപാടിനെതിരാണിത്. ഖലീഫമാരും സനദ് പരിശോധിച്ചിരുന്നില്ല. ലോകപ്രശസ്ത പണ്ഡിതന് മുഹമ്മദ് റസാഖാന് ബറേല്വി ഇക്കാര്യം സ്പഷ്ടമാക്കിയിട്ടുണ്ട്. തബര്റുകിന് സനദ് കണ്ട് ബോധ്യപ്പെടണമെന്ന പുത്തന്വാദം ആദ്യം ഉന്നയിച്ചത് വഹാബി- ജമാഅത്ത് വിഭാഗങ്ങളുടെ പൂര്വാചാര്യനായ ഇബ്നുതൈമിയ്യയാണെന്നു വിശ്രുത പണ്ഡിതനും ദാര്ശനികനുമായ യൂസുഫുന്നബ്ഹാനി പ്രസ്താവിച്ചിട്ടുണ്ട് (ജവാഹിറുല്ബിഹാര് : 3/466). ചെറുശ്ശേരി മുസ്ലിയാര് ഇബ്നുതൈമിയ്യയുടെ വാദമാണ് ഉന്നയിച്ചിരിക്കുന്നത്. മതത്തില് കാര്യങ്ങള് രണ്ടുവിധമുണ്ട്. മുഹ്കമാത് (വിധിവിലക്കുകള്), തബര്റുക്- തഅ്ളീം (അനുഗ്രഹം തേടല് - ആദരിക്കല്). ഇതില് വിധി വിലക്കുകള്ക്ക് പൂര്ണമായ കൈമാറ്റരേഖ വേണം. എന്നാല് , ഇത് സാധാരണ വിശ്വാസികളോ പണ്ഡിതര്പോലുമോ കണ്ടു ബോധ്യപ്പെടേണ്ടതില്ല. മുജ്തഹിദുകളായ (ഗവേഷകര്) ഇമാമുകള് പരിശോധിച്ചു നിര്ധാരണം ചെയ്തെടുത്ത നിയമങ്ങള് അനുസരിച്ചാല്മതി. എന്നാല് , തിരുശേഷിപ്പുകളുടെ കാര്യത്തില് ഈ ശാസനയില്ല. നബി (സ്വ)യുടേതാണെന്ന് അറിയപ്പെടുന്ന ഏതൊരു ശേഷിപ്പും വിശ്വാസികള്ക്ക് അംഗീകരിക്കാം, ആദരിക്കാം. ആര്ക്കെങ്കിലും സംശയമോ അവിശ്വാസമോ തോന്നുന്നപക്ഷം അവര്ക്ക് മാറിനില്ക്കാം. "എനിക്കു സംശയമുണ്ട്, നിങ്ങളും സംശയിക്കണം" എന്ന് മറ്റൊരാളോട് പറയാന് പാടില്ല. അവിശ്വാസം തോന്നിയ കാരണത്താല് നിന്ദിക്കാനോ തള്ളിപ്പറയാനോ പാടില്ല. അങ്ങനെ ചെയ്യുന്നത് മതത്തില്നിന്ന് പുറത്തുപോകാന് കാരണമാകുമെന്ന് ഇമാം റാസി (റ) പ്രസ്താവിച്ചിട്ടുണ്ട് (തഫ്സീറുര്റാസി- വാ: 31 പുറം: 200). അതായത്; നിസ്കാരമോ സകാതോപോലെ തിരുശേഷിപ്പുകളുടെ കാര്യത്തില് മതം ആരെയും നിര്ബന്ധിക്കുന്നില്ല. കഴിവുണ്ടായിട്ടും ഹജ്ജ്കര്മം ചെയ്തില്ലെങ്കില് വിചാരണചെയ്യപ്പെടും. തിരുശേഷിപ്പുകളെ ആദരിച്ചില്ല എന്നതിനു ശിക്ഷിക്കപ്പെടുകയില്ല, അനാദരിച്ചാല് ശിക്ഷിക്കപ്പെടും. ഇതാണ് അഹ്ലുസ്സുന്നഃയുടെ വിശ്വാസം. ചെറുശ്ശേരി മുസ്ലിയാരുടെ നിലപാട് അഹ്ലുസ്സുന്നഃയുടെ കാഴ്ചപ്പാടിനെതിരാണ്.


മര്കസിലെ തിരുകേശം സമുദായത്തിലെ എല്ലാ അംഗങ്ങളും അംഗീകരിക്കണമെന്നു പറഞ്ഞിട്ടില്ല. ഗ്രാന്ഡ് മസ്ജിദിന് നിര്ബന്ധിച്ചോ തെറ്റിദ്ധരിപ്പിച്ചോ ഫണ്ട് സ്വീകരിച്ചിട്ടുമില്ല. തെറ്റിദ്ധാരണമൂലം ആരെങ്കിലും സംഭാവന നല്കിയിട്ടുണ്ടെങ്കില് തിരിച്ചുനല്കാമെന്ന് ബന്ധപ്പെട്ടവര് പറഞ്ഞിട്ടുമുണ്ട്. അബുദാബിയിലെ ഷെയ്ഖ് അഹ്മദ് ഖസ്റജിയില്നിന്നു ലഭിച്ച
തിരുകേശത്തിന് കൈമാറ്റപരമ്പരയില്ല എന്ന വാദം വസ്തുതാവിരുദ്ധമാണ്. ഏകദേശം പത്തു രാജ്യത്തുനിന്നും രാജ്യത്തെ ഇരുപതോളം സംസ്ഥാനത്തില്നിന്നുമുള്ള നൂറുകണക്കിനു പ്രമുഖ പണ്ഡിതന്മാരെയും ലക്ഷക്കണക്കിനു വിശ്വാസികളെയും സാക്ഷിനിര്ത്തിയാണ് ഡോ. അഹ്മദ് ഖസ്റജി തിരുകേശം മര്കസിന് കൈമാറിയത്. ഈ ചടങ്ങില് തിരുകേശത്തിന്റെ സനദ് വാക്കാലും രേഖാമൂലവും കൈമാറിയിട്ടുണ്ട്.

തന്റെ കുടുംബപരമ്പരയുടെ വിശദാംശങ്ങള് അദ്ദേഹം വിവരിച്ചത് മുതലെടുത്ത് ആശയക്കുഴപ്പമുണ്ടാക്കാന് ചെറുശ്ശേരി മുസ്ലിയാരുടെ സംഘടന ബോധപൂര്വം ശ്രമിക്കുകയാണ്. സനദ് നല്കുന്നതിന് സമുദായത്തില് ഒരു സാമ്പ്രദായികരീതിയുണ്ട്. വിജ്ഞാനമാണ് മതം എന്ന് നബി (സ്വ) പറഞ്ഞിട്ടുണ്ട്. വിജ്ഞാനംകൊണ്ട് ഒരാള് മതവിധി പ്രഖ്യാപിക്കണമെങ്കില് അയാള്ക്ക് നബി (സ്വ) വരെയെത്തുന്ന ഗുരുപരമ്പര (സനദ്) വേണം. ഉന്നത മതപാഠശാലകളില്നിന്നു പഠിച്ചിറങ്ങുന്ന പണ്ഡിതര്ക്ക് കൊടുക്കുന്ന "സനദ്"
നബി (സ്വ)വരെയെത്തുന്ന ഗുരുപരമ്പരയുടെ സാക്ഷ്യപത്രമാണ്. എന്നാല് , ഈ
സനദുകളിലൊന്നും നബി (സ്വ) വരെയെത്തുന്ന ഗുരുപരമ്പര രേഖപ്പെടുത്തുന്നില്ല. പകരം സ്ഥാപനത്തിന്റെ പ്രിന്സിപ്പല്മാര് ഒപ്പിട്ടുനല്കുകയാണ്. സനദ് നല്കുന്നതിന്റെ ഈ പാരമ്പര്യരീതിയാണ് ഡോ. ഖസ്റജിയും സ്വീകരിച്ചത്. കാരന്തൂര് മര്കസില്നിന്നോ പട്ടിക്കാട് ജാമിഅഃയില്നിന്നോ യുവ പണ്ഡിതര്ക്കു ലഭിക്കുന്ന സനദിന്റെ അതേ രീതി. കാന്തപുരത്തിനോ അദ്ദേഹത്തെ അനുകൂലിക്കുന്നവര്ക്കോ മര്കസിലുള്ള തിരുകേശത്തിന്റെ കാര്യത്തില് സംശയമില്ല. സംശയം തോന്നുന്നവര്ക്ക് അതു തീര്ക്കാന് ഡോ. അഹ്മദ് ഖസ്റജിയെ സമീപിക്കാം. ഈ ആവശ്യത്തിന് യുഎഇയില്പോയ ഇവരുടെ നേതാവ് എന്തുകൊണ്ട് ഡോ. അഹ്മദ് ഖസ്റജിയെ കണ്ടില്ല? ഈ വിവാദത്തിന് സൗമ്യമായ പരിഹാരമുണ്ടാക്കാന് പരാതിക്കാര് സമീപിക്കേണ്ടത് തിരുകേശം കൊടുത്ത ആളിനെയും കിട്ടിയ ആളിനെയുമായിരുന്നു. അതിശയകരമായ കാര്യം ഈ രണ്ടുപേരെയും പരാതി പറയുന്നവര് ഒരിക്കല്പ്പോലും കണ്ടിട്ടില്ല! എന്നല്ല; ബന്ധപ്പെട്ടയാളിനെ കാണുന്നതിനുപകരം അയാളുടെ ജ്യേഷ്ഠന്റേതെന്ന പേരില് രണ്ടു കത്താണ് കൊണ്ടുവന്നത്. കത്തിലെ ആശയങ്ങളാകട്ടെ പരസ്പരവിരുദ്ധവും. കത്തിന് ഒരു സ്ഥിരീകരണവുമില്ലതാനും. തിരുകേശത്തിന്റെ ആധിക്യവും ദൈര്ഘ്യവുമാണ് സംശയത്തിന് നിദാനമെന്നാണ് ചെറുശ്ശേരി മുസ്ലിയാര് പറയുന്നത്. ഇതും ഇസ്ലാമിക പ്രമാണങ്ങള്ക്കെതിരാണ്. ഹിജ്റഃക്കുശേഷം നബി
(സ്വ) നാലുതവണയേ മുടി നീക്കിയിട്ടുള്ളൂവെന്ന് ഇമാം നവവീ(റ) പറയുന്നുണ്ട് (മൗസൂഅത്തുദ്ദിഫാഅ്: 2/31). ഇബ്നുഖയ്യിമിന്റെ "സാദുല്മആദി"ലും ഇതു കാണാം. ഹിജ്റഃക്കുശേഷം ആറുവര്ഷം കഴിഞ്ഞ് ഹുദയ്ബിയ്യയിലാണ് നബി (സ്വ) ആദ്യമായി മുടി നീക്കുന്നത്. ഏറ്റവും അവസാനം മൂന്നുവര്ഷത്തെ ഇടവേളയ്ക്കുശേഷം ഹജ്ജതുല്വിദാഇല്വച്ചും. നബി (സ്വ)മക്കാഫത്ഹിനു വരുമ്പോള് അവിടത്തെ ശിരസ്സില് നെഞ്ചുവരെ നീണ്ടുകിടക്കുന്ന നാലു മുടിക്കെട്ടുകള് ഉണ്ടായിരുന്നെന്ന് ഉമ്മുഹാനിഹ്(റ) പറഞ്ഞത് തുര്മുദിയും ഇബ്നുമാജഃയും ഉദ്ധരിച്ചിട്ടുണ്ട് (ശറഹുസ്സുന്നഃ- ഇമാംബഖ്വി: 12/97). ഈ ഹദീസ് സ്വീകാര്യയോഗ്യമാണെന്ന് അല്ബാനി സാക്ഷ്യപ്പെടുത്തിയിട്ടുണ്ട്. ദുല്ഹുലയ്ഫയില്നിന്ന് നബിയുടെ മുടി ഞാന് നാലായി മെടഞ്ഞിട്ടു കൊടുത്തുവെന്ന് നബി പത്നി ഉമ്മുസലമഃ (റ) പറയുന്നുണ്ട് (മഗാസി- വാഖിദി: 2/868). ഖസ്റജിയുടെ കുടുംബത്തില് മുടിക്കെട്ടുകള് ഉണ്ടെന്നാണ് മറ്റൊരാക്ഷേപം. ഉണ്ടാവാം; ഹുദയ്ബിയ്യയില് നീക്കംചെയ്തതില്നിന്നു മുടിക്കെട്ടുകള്തന്നെ ഞാന് കൈവശപ്പെടുത്തി സൂക്ഷിച്ചുവെന്ന് ഉമ്മുഇമാറഃ(റ) അവകാശപ്പെടുന്നുണ്ട് (റൂഹുല്ബയാന് : 9/5, സുബുലുല്ഹുദാ വര്റശാദ്: 5/57). ഹുദയ്ബിയ്യയിലും ഹജ്ജതുല്വിദാഇലും നീക്കംചെയ്ത തിരുകേശങ്ങളുടെ വലുപ്പം ഈ ഹദീസുകളില്നിന്നു വ്യക്തമാകും.

സൈനുദ്ദീന് മുസ്ലിയാര്ക്ക് ഈ പ്രമാണങ്ങള് അറിയാതിരിക്കാന് ന്യായമില്ല. അറിഞ്ഞിട്ടും സമൂഹത്തെ തെറ്റിദ്ധരിപ്പിക്കാന് ശ്രമിച്ചത് മതപരമായി കടുത്ത അപരാധമാണ്. "അസ്റാറു ആസാരിന്നബവിയ്യഃ" എന്ന ഗ്രന്ഥത്തില് തങ്ങളുടെ കൈവശമുള്ള തിരുകേശത്തെക്കുറിച്ച് ഡോ. ഖസ്റജി പരാമര്ശിച്ചില്ലെന്ന വാദവും ബാലിശമാണ്. ഒരു ലബനീസ് സൂഫി പണ്ഡിതന്റെ പൂര്വകാല രചനയുടെ പുതിയ പതിപ്പ് ഏറ്റെടുത്തു പ്രസിദ്ധീകരിക്കുക മാത്രമാണ് ഖസ്റജി കുടുംബം ചെയ്തത്. പ്രസാധകന് ഗ്രന്ഥത്തിന്റെ ഉള്ളടക്കത്തില് ഇടപെടാനാകില്ലെന്നത് പ്രസാധനത്തിന്റെ പ്രാഥമികമായ കാര്യമാണ്. മുസ്ലിയാര്ക്ക് ഇതറിയില്ലായിരിക്കാം. തിരുശേഷിപ്പുകള് സൂക്ഷിക്കുന്ന പ്രദേശങ്ങളുടെ പട്ടിക കൊടുത്തപ്പോള് യുഎഇയുടെ പേര് മാത്രമില്ല എന്ന വാദവും വിചിത്രമാണ്. തിരുശേഷിപ്പുകള് സൂക്ഷിക്കുന്ന മുഴുവന് പ്രദേശങ്ങളുടെ പേരും ഈ ഗ്രന്ഥത്തില് ചേര്ക്കുന്നു എന്ന് ഗ്രന്ഥകാരന് അവകാശപ്പെടുന്നില്ല. അദ്ദേഹത്തിന്റെ അറിവില്പ്പെട്ടത് ഉള്പ്പെടുത്തുകയും ലോകത്ത് എവിടെയെങ്കിലും ഇനിയും തിരുശേഷിപ്പുകള് സൂക്ഷിക്കുന്നുണ്ടാകാം എന്നു സൂചിപ്പിക്കുകയും ചെയ്തിട്ടുണ്ട്. യുഎഇ ഔഖാഫ് മന്ത്രിയായിരുന്ന ഷെയ്ഖ് മുഹമ്മദ് ഹസന് ഖസ്റജി കേരളത്തില് വരികയും പരേതരായ ശംസുല് ഉലമ ഇ കെ അബൂബക്കര് മുസ്ലിയാര് , പാണക്കാട് മുഹമ്മദ് അലി ശിഹാബ് തങ്ങള് എന്നിവരുമായി ആശയവിനിമയം നടത്തുകയും ചെയ്തിരുന്നുവെന്നത് ശരിയാണ്. ഇവര് നടത്തിയ സ്വകാര്യ ചര്ച്ചകള്ക്കിടയില് തന്റെ കുടുംബത്തിലുള്ള തിരുകേശത്തെക്കുറിച്ച് സംസാരിച്ചിട്ടില്ല എന്ന് മുസ്ലിയാര് എങ്ങനെയാണ് ഇത്ര തിട്ടമായി പറയുന്നത്? ഒരു കാര്യം ഉറപ്പിച്ചുപറയുന്നയാള് ഏതടിസ്ഥാനത്തിലാണ് അതു പറയുന്നത് എന്നുകൂടി വ്യക്തമാക്കേണ്ടതുണ്ട്. ശഅ്റെ മുബാറകും അതുമായി ബന്ധപ്പെട്ട കാര്യങ്ങളും ഇസ്ലാമിലെ മൗലിക വിഷയങ്ങളല്ല. ആചാരപരമായ വിശ്വാസത്തിന്റെ വിശദാംശങ്ങളില്പ്പെട്ടതാണ്. അതുകൊണ്ടാണ് മര്കസിലെ ശഅ്റ് മുബാറകും അതുമായി ബന്ധപ്പെട്ട ചടങ്ങുകളും വിശ്വാസികളുടെ സ്വീകാര്യതയാക്കി പരിമിതപ്പെടുത്തിയത്. കഴിഞ്ഞ ജനുവരിയില് ഇതുമായി ബന്ധപ്പെട്ട ചടങ്ങുകളും സാധാരണപോലെ മാത്രമേ മര്കസില് നടന്നിട്ടുള്ളൂ. തിരുകേശമല്ല; അതിന്റെ പേരില് രാജ്യത്തെതന്നെ ഏറ്റവും വലിയ മസ്ജിദ് നിര്മിക്കാന് കാന്തപുരം തീരുമാനിച്ചതാണ് വിവാദങ്ങളുടെ മൂലഹേതു. ചെറുശ്ശേരി മുസ്ലിയാരുടെ ലേഖനത്തിന്റെ അവസാന ഭാഗങ്ങള് വായിക്കുന്ന ആര്ക്കും ഇതു ബോധ്യമാകും. ഗള്ഫ് നാടുകളിലും ലോകത്തിനു പല ഭാഗങ്ങളിലും സഞ്ചരിക്കുമ്പോള് അവിടങ്ങളില് കാണുന്ന തരത്തില് വിശാലമായ സൗകര്യങ്ങളോടുകൂടിയ നല്ലൊരു മസ്ജിദ് തന്റെ നാട്ടിലും ഉണ്ടാകണം എന്ന്
കാന്തപുരം ആഗ്രഹിച്ചു. ഇതൊരപവാദമായിട്ടാണ് എതിര്പക്ഷം കാണുന്നത്.

രാജ്യത്തിന്റെ സാംസ്കാരിക പൈതൃകത്തിന് മുതല്ക്കൂട്ടാകുന്ന ഇത്തരം നിര്മിതികള്ക്ക് പിന്നിലെല്ലാം ഒരു സ്വപ്നവും ഒരുപാട് പ്രതിബന്ധങ്ങളും സാധാരണം. മസ്ജിദുകള് വിശ്വാസികള്ക്ക് ആരാധനകള് നിര്വഹിക്കാനുള്ളതാണ്. അവിടെ തിരുകേശം സൂക്ഷിക്കുന്നത് മതത്തിലെ ഒരു നിയമത്തിനും എതിരല്ല. തിരുകേശമിട്ട വെള്ളം വിറ്റുവെന്ന ആരോപണം വ്യാജമാണ്. തിരുകേശവും അതുമായി ബന്ധപ്പെട്ട ചടങ്ങുകളും നിര്മിതികളും പുതിയ സംഗതിയല്ല. ആഗോളതലത്തില് നടപ്പുള്ളതാണ്. ജിദ്ദയിലെ ഇന്റര്കോണ്ടിനെന്റല് ഹോട്ടലില് 2008ല് "മഅ്റള് അല്ആസാറുന്നബവിയ്യ" എന്ന പേരില് ഒരു പ്രദര്ശനം നടന്നു. 60 രാജ്യത്തുനിന്നുള്ള തിരുശേഷിപ്പുകളുടെ നൂറോളം ചിത്രമായിരുന്നു പ്രദര്ശനത്തിനുവച്ചത്. സൗദി രാജകുമാരന് അമീര്ബന്ദര്ബ്നു നാസറുബ്നു അബ്ദില്അസീസ് ആലുസ്സുഊദാണ് പ്രദര്ശനം ഉദ്ഘാടനംചെയ്തത്. സൗദിയിലെ ഹാശിമി വംശജരുടെ ആഗോളസംഘടനയായിരുന്നു സംഘാടകര് . പ്രദര്ശനത്തോടനുബന്ധിച്ച് എല്ബിസി ചാനലിന് അനുവദിച്ച അഭിമുഖത്തില് സംഘടനയുടെ സെക്രട്ടറി ജനറല് ശരീഫ് മുഹമ്മദ് അല്ഹുസയ്നി പറഞ്ഞത്, ആഗോളതലത്തില് വ്യാപിച്ചുകിടക്കുന്ന തിരുശേഷിപ്പുകള് മദീനയില് മ്യൂസിയം സ്ഥാപിച്ച് സംരക്ഷിക്കാന് സൗദി സര്ക്കാര് സഹകരണത്തോടെ പദ്ധതി നടപ്പാക്കിവരുന്നുവെന്നാണ്. മുസ്ലിം ലോകത്തും യൂറോപ്പിലും അമേരിക്കയിലും ആഫ്രിക്കന് നാടുകളിലും തിരുശേഷിപ്പുകള് സൂക്ഷിക്കുന്നുണ്ട്. അവിടങ്ങളിലെല്ലാം അതുമായി ബന്ധപ്പെട്ട് ആയിരങ്ങള് പങ്കെടുക്കുന്ന ചടങ്ങുകളും നടക്കാറുണ്ട്. എവിടെയും ഇതുപോലെ വിവാദങ്ങള് നടന്ന ചരിത്രമില്ല. ഇത് വിട്ടുവീഴ്ചയില്ലാത്ത കാന്തപുരം വിരോധംമാത്രമാണ്.

ഇത്‌ അസുഖം വേറെയാണ്‌

ഭാഗം ഒന്ന് ഇവിടെ >> ഇനിയെന്ത് പറയാനുണ്ട് ?


ഒ അബ്ദുല്ല തന്റെ നിലപാടിൽ നിന്നും പുറകോട്ടുപോയി എന്നാണ്‌ അയാൾ നൽകിയ പോലീസ്‌ പരാതിയിൽ നിന്നും പത്രക്കുറിപ്പിൽ നിന്നും മനസ്സിലാകുന്നത്‌. എന്നാൽ ഇയാളുടെ വിഷലിപ്തമായ ലേഖനം പുറത്തുവിട്ട എൻ ഡി എഫും പത്രവും ഒട്ടും മാറിയില്ല. സംസ്ഥാന പ്രസിഡന്റ്‌ കരമന മൗലവി പാർട്ടി പത്രത്തിൽ എഴുതിയ ലേഖനത്തിൽ അബ്ദുല്ലയെ തള്ളിപ്പറയുകയും `ആസാറുന്നബിയ്യ്‌` പ്രാമാണികമാണെന്നു സ്ഥാപിക്കുകയും ചെയ്യുന്നുണ്ട്‌. എന്നാൽ, ഇതൊന്നും മതത്തിൽ വലിയ കാര്യമല്ലെന്നു പറഞ്ഞുകൊണ്ട്‌ മൗലവി പരോക്ഷമായി അബ്ദുല്ലയെ അനുകൂലിച്ചു. ലേഖനത്തിന്‌ `അനുകൂലമായും പ്രതികൂലമായും` പ്രതികരണങ്ങൾ പ്രസിദ്ധീകരിച്ചുകൊണ്ട്‌ ഈ നിലപാടിനെ പത്രം നിരന്തരമായി ന്യായീകരിക്കുകയും ചെയ്തു. പാർട്ടിയുടെ സുപ്രീം കൗൺസിൽ അംഗവും ബുദ്ധികേന്ദ്രവും പാർട്ടി പത്രത്തിന്റെ എഡിറ്ററുമായ പ്രൊഫസർ പി. കോയ, കരമന മൗലവിയുടെ അനുകൂല നിലപാടിനെ പൂർണമായും തള്ളിപ്പറഞ്ഞു. കടുത്ത അന്ധവിശ്വാസവും ചൂഷണവും ഉൾക്കൊള്ളുന്ന വിഷയമായതു കൊണ്ടാണ്‌ അബ്ദുല്ലയുടെ ലേഖനം പ്രസിദ്ധീകരിച്ചെതെന്നും പാർട്ടിയുടെയും പത്രത്തിന്റെയും ഉറച്ച നിലപാടാണിതെന്നും മി.കോയ വിശദീകരിച്ചിട്ടുണ്ട്‌. അതായത്‌, ജമാഅത്തിനോ വഹാബിസത്തിനോ ഇല്ലാത്തത്ര കടുത്ത ബിദ്അത്തും മതവിരുദ്ധ നിലപാടുമാണ്‌ തങ്ങളുടെതെന്ന്‌ ഏതാണ്ട്‌ പരസ്യമായി തന്നെ പ്രഖ്യാപിക്കുകയാണ്‌ എൻ ഡി എഫ്‌ ചെയ്തിരിക്കുന്നത്‌! എൻ ഡി എഫ്‌ എന്താണെന്നും അതിനെ നയിക്കുന്നവരുടെ നിലപാടുകൾ എത്ര അപകടകരമാണെന്നും ഈ നിലപാടുകളിൽ നിന്നു വ്യക്തമാണ്‌. കരമന മൗലവി കഥയറിയാത്ത പാവം തെക്കൻ മൊല്ലയാണ്‌, അയാളെ വിട്ടേക്കുക.

`ശഅ​‌റെ മുബാറക്‌` ചർച്ചക്ക്‌ ഇപ്പോൾ ഏകീകരണം വന്നിട്ടുണ്ട്‌. നബി(സ)യുടെ തിരുശേഷിപ്പുകൾക്കു യാതൊരു പ്രത്യേകതയുമില്ലെന്ന ഒ അബ്ദുല്ലയുടെ ഭൗതികവാദത്തിനൊപ്പമാണ്‌ എൻ ഡി എഫ്‌ നിലകൊള്ളുന്നതെങ്കിൽ, മർകസിലെ `ശഅ‌റെ മുബാറകി`ലേക്ക്‌ ചുരുങ്ങിയിരിക്കുന്നു വഹാബി ഗ്രൂപ്പുകളുടെയും ചേളാരി സമസ്തയുടെയും വിമർശങ്ങൾ-നല്ല കൂട്ടുകെട്ട്‌! അടിസ്ഥാന വിഷയം പുറത്തു പറയാതെയാണ്‌ വഹാബി ഗ്രൂപ്പുകൾ കലമ്പുന്നതെങ്കിൽ അടിസ്ഥാന വിഷയം അംഗീകരിച്ചുകൊണ്ടാണ്‌ ചേളാരി സമസ്തക്കാർ ബഹളം വെച്ചു നടക്കുന്നത്‌. ജമാഅത്തെ ഇസ്ലാമി പ്രത്യക്ഷമായി രംഗത്തില്ല. പരോക്ഷമായി അവർ വെറുതെയിരിക്കുമെന്നും കരുതിക്കൂടാ. അവരുടെ പത്രം കിട്ടുന്ന അവസരങ്ങൾ മുതലെടുക്കുന്നുണ്ട്‌. സാധാരണയിൽ ഇങ്ങനെയൊരു വിവാദമുണ്ടായാൽ മുൻപിൻ നോക്കാതെ ഇടപെടാറുള്ള `ചന്ദ്രിക`യും പാർട്ടിയും അന്തസ്സ്‌ പാലിച്ചു. സമുദായത്തിന്റെ പൊതുവേദിയാണെന്ന സന്ദേശമാണ്‌ ലീഗ്‌ നൽകുന്നത്‌, നല്ല കാര്യം.

ഇനിയിപ്പോൾ മർകസിലെ `ശഅ‌റെ മുബാറക്‌` മാത്രമാണ്‌ വിവാദം. എങ്കിലത്‌ തീർക്കുക എളുപ്പമാണ്‌. ഇതിനു ഖുർആനും സുന്നത്തും മറ്റു പ്രമാണങ്ങളും തിരയേണ്ട കാര്യമില്ല; വിമർശകർ മർകസിലേക്ക്‌ ഒന്നു വന്നാൽ മാത്രം മതി. മർകസ്‌ അന്റാർട്ടിക്കയിലോ അറ്റ്ലാന്റിക്കിലോ അല്ല. കോഴിക്കോട്‌ നഗരത്തിൽ നിന്ന്‌ വെറും അര മണിക്കൂർ കിഴക്കോട്ട്‌ സഞ്ചരിച്ചാൽ എത്താവുന്നത്ര അടുത്താണ്‌. ബന്ധപ്പെട്ടവർ പലതവണ വിമർശകരെ അങ്ങോട്ടു ക്ഷണിച്ചതാണ്‌, ആരും തെളിവ്‌ കാണാൻ തയാറല്ല. കണ്ടാൽ വിമർശം അവസാനിപ്പിക്കേണ്ടതായി വരും, അതോടെ കഥ തീരും.

മൂന്ന്‌ തിരുകേശങ്ങളാണ്‌ മർകസിൽ സൂക്ഷിച്ചിരിക്കുന്നത്‌. രണ്ടെണ്ണം ബറകാതീ സാദാത്തീങ്ങളിൽ നിന്നു ലഭിച്ചതും മറ്റൊന്ന്‌ അബൂദബി ഖസ്‌റജീ കുടുംബത്തിൽ നിന്നു ലഭിച്ചതും. രണ്ടിനും ആവശ്യമായ തെളിവുകളും രേഖകളും മർകസ്‌ സൂക്ഷിച്ചിട്ടുണ്ട്‌. ആദ്യത്തേതിന്റെ പരമ്പര(സനദ്‌) ഈ ലേഖകൻ നേരിട്ടു കണ്ടതാണ്‌. രണ്ടാമത്തേതിന്റെത്‌ ലക്ഷങ്ങൾ പങ്കെടുത്ത പൊതുവേദിയിൽ വായിച്ചു കേട്ടതുമാണ്‌. വഹാബി ഗ്രൂപ്പിന്റെ നേതാക്കൾക്കും ഒപ്പം കൂടിയ ചേളാരി സമസ്തക്കാർക്കും മർകസിൽ വന്ന്‌ തെളിവ്‌ പരിശോധിക്കുന്നതിന്‌ ഒരു പ്രയാസവും തോന്നേണ്ട കാര്യമില്ല. കാരണം, ഇത്‌ മതത്തിലെ വിശ്വാസവും അനുഷ്ഠാനവുമായി ബന്ധപ്പെട്ടു കിടക്കുന്ന ഗൗരവതരമായ വിഷയമാണ്‌. മിഥ്യാഭിമാനത്തിന്റെ പേരിൽ മതത്തിന്റെ ചിഹ്നങ്ങളെ നിരാകരിക്കുന്നതും വിമർശിക്കുന്നതും നബിനിന്ദ മാത്രമല്ല; മതനിന്ദ കൂടിയാണ്‌. ഇത്‌ നിന്ദക്കാരുടെ കൈവെട്ടുന്ന കാലവുമാണ്‌. ഇനി തെളിവുമായി മർകസ്‌ ഇവരുടെ വീട്ടുപടിക്കലേക്കു ചെല്ലണമെന്നാണെങ്കിൽ പൊന്നു തമ്പുരാക്കന്മാർ അതൊന്നു തുറന്നു പറയണം. മർകസും കാന്തപുരവുമല്ല; നാൽപ്പത്‌ കോടിയുടെ `ശഅ്‌റെ മുബാറക്‌ മസ്ജിദാ`ണ്‌ കാര്യമെങ്കിൽ രക്ഷയില്ല. വിഷയം പച്ചക്കു പറയാം; ഇത്‌ അസൂയയാണ്‌; കത്തുന്ന അസൂയ. കഷണ്ടിക്ക്‌ പണെ്ടാരു വൈദ്യർ മരുന്ന്‌ കണ്ടുപിടിച്ചിരുന്നത്രെ. ഇവർ അയാളെയൊന്നു കാണണം. വല്ല പരിഹാരവും നിർദേശിച്ചേക്കാം.

പരിഷ്കരണ പ്രസ്ഥാനങ്ങളാണ്‌, ജ്ഞാനികളാണ്‌, വമ്പിച്ച ഭൗതിക പിടിപാടുകളുണ്ട്‌, പാരമ്പര്യത്തിന്റെ ചിതലരിച്ച ശേഷിപ്പുകളുടെ മന്ദബുദ്ധികളായ അവകാശികളാണ്‌. പറഞ്ഞിട്ടെന്ത്‌, ഈ മാന്യമഹാജനങ്ങളുടെ സ്വപ്നങ്ങൾക്കും പ്രജ്ഞക്കും ഇടുങ്ങിയ ചിന്തകൾക്കും പിടികിട്ടാത്തത്ര അപ്പുറത്തു ചെന്നു നിന്നിട്ടാണ്‌ കാന്തപുരം സൗമ്യമായി ചിരിക്കുന്നത്‌. വെറുതെ ഭ്രാന്തെടുത്തിട്ടെന്തു കാര്യം; നിശ്ചയം അല്ലാഹുവിന്റെതാണ്‌, ആർക്കെന്ത്‌ ചെയ്യാനാകും?

നാൽപ്പത്‌ കോടിയുടെ മസ്ജിദ്‌ എന്നു കേട്ടപ്പോൾ പലരും ഹൃദയസ്തംഭനത്തിന്റെ വക്കിൽ ചെന്നു നിന്നുവെന്നതാണു നേര്‌. പള്ളിയല്ല; പള്ളയാണിപ്പോൾ ചിലർക്കു പ്രശ്നം. കോഴിക്കോട്ടുകാർക്കു നിസ്കരിക്കാൻ ഇത്ര വലിയ പള്ളി വേണോ എന്നു ചിലരൊക്കെ ഹൃദയംപൊട്ടി ചോദിക്കുന്നു. കോഴിക്കോട്ടുകാരാരും ഇങ്ങനെ ചോദിക്കില്ല. പള്ളികളിലെ തിരക്കും പാർക്കിംഗ്‌ പ്രശ്നവും നിരന്തരമായി അനുഭവിക്കുന്നവരാണവർ. പള്ളിമുറ്റത്തും റോഡിലുമായി നീളുന്ന സ്വഫ്ഫുകളിൽ പൊരിവെയിൽകൊണ്ട്‌ നിസ്കരിക്കുന്നവർക്കു കാര്യമറിയാം. ഇരിക്കട്ടെ; ഇരുപത്‌ വർഷം മുമ്പ്‌ കാന്തപുരം ഇങ്ങനെ വിചാരിച്ചിരുന്നെങ്കിൽ ഇപ്പറയുന്നവർ ഇപ്പോൾ നടപ്പാതയിലും നടുറോട്ടിലും ജുമുഅഃയും ജമാഅത്തും നടത്തേണ്ടതായി വരുമായിരുന്നില്ലേ? വിമർശത്തിന്റെ മനോവിഹ്വലതയുമായി മണ്ടിനടക്കുന്ന പലരും അഞ്ച്‌ നേരം തിരുമുഖം പടിഞ്ഞാറോട്ടു കുമ്പിടുന്നത്‌ കാന്തപുരം നിർമിച്ച പള്ളികളിലാണെന്നോർക്കണം. നഗരപരിധിയിൽ മാത്രം ഇരുപ്പതിൽപരം പള്ളികളാണ്‌ കഴിഞ്ഞ പത്തുപതിനഞ്ച്‌ വർഷം കൊണ്ട്‌ കാന്തപുരം നിർമിച്ചത്‌. കേരളത്തിലെ നഗരങ്ങളിലും ഗ്രാമങ്ങളിലുമായി ആയിരത്തോളം പള്ളികൾ, അഖിലേന്ത്യാതലത്തിൽ ഇതു രണ്ടായിരത്തോളം വരും! വായിൽ നാല്‌ മുഴം നാക്ക്‌ മാത്രം സ്വന്തമായുള്ള ഈ വിമർശകർക്ക്‌ എന്തു പറയാനുണ്ട്‌? ഇതിന്‌ ഒരു താരതമ്യം കൂടി ആവശ്യമാണെന്നു തോന്നുന്നു. രണ്ടായി വഴിപിരിഞ്ഞ ശേഷം കോഴിക്കോട്ട്‌ കാന്തപുരം ഇരുപതിൽ പരം പള്ളി നിർമിച്ചുവെന്ന്‌ പറഞ്ഞല്ലോ. അവശിഷ്ട സമസ്തക്കാർ എന്തു ചെയ്തു? കുറ്റം പറയരുതല്ലോ ഇവരും ഒന്ന്‌ ഉണ്ടാക്കിയിട്ടുണ്ട്‌, റയിൽവേ സ്റ്റേഷൻ ലിങ്ക്‌ റോഡിൽ സ്വന്തം ആസ്ഥാനത്ത്‌. കെട്ടിടം തെക്ക്‌ പടിഞ്ഞാറോട്ടും പള്ളി പടിഞ്ഞാറോട്ടും! അതായാത്‌, ചുമരോ തൂണോ മറയാക്കി നിസ്കരിക്കാൻ ഒരാളിനുപോലും ഇടമില്ലാത്ത ഒരു പള്ളി! വെറുതെ പറയിപ്പിക്കല്ലേ; ഐക്യപ്പെടാനുള്ളതാണ്‌.

നാൽപ്പത്‌ കോടിയുടെ പള്ളി നിർമിച്ചാൽ അവിടെ ആരാധിക്കപ്പെടുക `ശഅ്‌റെ മുബാറക്‌` ആയിരിക്കുമെന്നാണ്‌ പാവം വഹാബി ശിങ്കങ്ങളുടെ പ്രചാരണം. കൊള്ളാം, അനേകം കോടികൾ ചെലവഴിച്ചു വികസിപ്പിച്ച മസ്ജിദുന്നബവിയുടെ അകത്താണ്‌ ഈ തിരുകേശങ്ങളുടെ സാക്ഷാൽ ഉടമ അന്ത്യവിശ്രമം കൊള്ളുന്നത്‌. സുന്നികളുടെ കാര്യമിരിക്കട്ടെ; ഇവർ അവിടെ ചെന്നാൽ ആരെയാണ്‌ ആരാധിക്കാറുള്ളത്‌? വിവരക്കേട്‌ പറഞ്ഞോളൂ; പക്ഷേ അതുതന്നെയേ പറയൂ എന്നു ശാഠ്യം പിടിക്കല്ലേ!

ഇവരായിട്ടു തുടങ്ങിവെച്ച ഖുർആൻ ക്ളാസുണ്ടല്ലോ; അതു ശരിക്കും ഫലിച്ചിട്ടുണ്ട്‌. സമുദായം നന്നായി ഖുർആൻ പഠിച്ചുകൊണ്ടിരിക്കുന്നു. അതാണിവർക്ക്‌ വിനയായിരിക്കുന്നത്‌. വിശ്വാസികൾ തങ്ങളുടെ നിലനിൽപ്പിനുള്ള ധനം തങ്ങൾക്കിടയിലെ പോഴന്മാരുടെ കൈയിൽ ഏൽപ്പിക്കരുതെന്നാണ്‌ വിശുദ്ധ ഖുർആനിന്റെ ശാസന(അന്നിസാഅ‍്‌:5). രാജ്യത്തിന്റെ തന്നെ ചരിത്രത്തിൽ സംഭവമാകാൻ പോകുന്ന ഒരു മഹത്തായ സംരംഭത്തിനുള്ള വക ആരുടെ കൈയിൽ കൊടുക്കണം എന്ന്‌ സമുദായവും സമൂഹവും തിരിച്ചറിഞ്ഞിരിക്കുന്നു. കൊള്ളില്ല എന്ന്‌ അടയാളപ്പെടുത്തിയവരുടെ കൈയാൽ ഒന്നും നടക്കുന്നുമില്ല; അതവരുടെ പോരായ്മ. സ്വന്തം കഴിവുകേടുകൾ തിരിച്ചറിയുകയാണ്‌ വിമർശകർ ആദ്യം ചെയ്യേണ്ടത്‌. ഉദ്ദേശിച്ചവർക്ക്‌ അല്ലാഹു കണക്കില്ലാതെ കൊടുക്കുമെന്നും അവിചാരിതമായ മാർഗത്തിലൂടെ കൊടുക്കുമെന്നും അല്ലാഹു പറയുന്നുണ്ട്‌. ഇതൊന്നും സഹിക്കാനാകുന്നില്ലേ?

വേദക്കാരോടു പറഞ്ഞത്‌ ഇവരോടും പറയാം. വചനത്തിന്റെ പച്ചമലയാളം ഇങ്ങനെ: `നബീ പറയുക, നിങ്ങളുടെ ദേഷ്യം കാരണമായി നിങ്ങൾ മരിച്ചുകൊള്ളുക.` (വി.ഖുർആൻ-3:119)
ഒ.എം. തരുവണ

സിറാജ് ന്യൂസ്

ഇനിയെന്ത് പറയാനുണ്ട് ? (ബഹാഉദ്ദിന്റെയും കൂട്ടരുടെയും തനിനിറം)

siraj news 9-03-2011

തിരുശേഷിപ്പുകളും ബർക്കത്തെടുക്കലും -ഇസ്‌ലാമിക വിധി

പ്രവാചകന്മാരുടെ ,മഹാന്മാരുടെ തിരുശേഷിപ്പുകളിൽ നിന്ന്
ബർക്കത്തെടുക്കുന്നതിനെപറ്റി ഇസ്‌ലമിക അധ്യാപനം

മുസ്‌ലിം ഉമ്മത്തിന്റെ ആദരണീയരും അവർ رحمه الله എന്ന് പറയുന്നവരുമായ ഇമാമുകൾ പറയുന്നത് കാണുക

عن أبي جحيفة قال: خَرَج علينا رسولُ اللَّهِ صلى الله عليه وسلّم بالهاجِرةِ، فأُتِيَ بوَضوءٍ فتَوضَّأَ، فجعلَ الناسُ يأْخُذونَ مِن فَضلِ وَضوئهِ فيَتمسَّحونَ به، فصلَّى النبيُّ صلى الله عليه وسلّم الظُّهْرَ رَكعتَينِ، والعصرَ رَكعتينِ، وَبينَ يدَيهِ عَنَزَةٌ. (صحيح البخاري رقم 187)

ഇമാം ബുഖാരിയും മുസ്‌ലിമും റിപ്പോർട്ട് ചെയ്ത ഈ ഹദീസിന്റെ വ്യാഖ്യാനത്തിൽ ഇമാം നവവി رحمه الله പറയുന്നത് കാണുക

ففيه التبرك بآثار الصالحين واستعمال فضل طهورهم وطعامهم وشرابهم ولباسهم (شرح مسلم للنووي رحمه الله باب سترة المصلي والندب إلى الصلاة إلى سترة والنهي عن المرور- كتاب الصلاة)

ഈ ഹദീസിൽ നിന്ന് സജ്ജനങ്ങളുടെ (നബിയുടെത് മാത്രമെന്നല്ല പറഞത്. ബഹുവചനമായ “സ്വാലിഹീന’ എന്നാണ് കൊടുത്തത്) തിരു ശേഷിപ്പുകളിൽ നിന്ന് ബറക്കത്ത് ആശിക്കാമെന്ന് കിട്ടും. മാത്രമല്ല സ്വാലിഹീങ്ങൾ കഴുകിയ വെള്ളത്തിന്റെ ബാക്കിയും അവരുടെ ഭക്ഷണത്തിന്റെ യും പാനീയത്തിന്റെയും ബാക്കിയും അവരുടെ വസ്ത്രവും ഇതിന്നാ‍ായി ഉപയോഗിക്കാമെന്നും കിട്ടും

ലോക മുസ്‌ലിംങ്ങളുടെ മറ്റൊരു ഇമാമായ ഇമാം ഇബ്‌നു ഹജറുൽ അസ്‌ഖലാനി رحمه الله തന്റെ ഫത്‌ഹുൽ ബാരിയിൽ പറയുന്നു.

فهو حجة في التبرك بآثار الصالحين .
باب المساجدِ التي على طُرُقِ المَدِينةِ والمَواضِعِ التي صلَّى فيها النبيُّ صلى الله عليه وسلّم

“ഈ ഹദിസ് (ദൈർഘ്യം കാരണം ഇവിടെ ഉദ്ധരിച്ചിട്ടില്ല) സ്വാലീഹിങ്ങളുടെ ശേഷിപ്പുകൾ കൊണ്ട് ബർകത്തെടുക്കാമെന്നതിന് തെളിവാണ്. “

ഫത്‌ഹുൽ ബാരിയിൽ ഡസൻ കണക്കിന് സ്ഥലങ്ങളിൽ ഇങ്ങനെ പറഞ്ഞതായി കാണാം. (അത്തരം ഹദീസുകൾ കാണുമ്പോൾ അത് അവഗണിച്ച് ചാടിപ്പോവുകയാണ് പതിവെന്ന് യുക്തിവാദത്തിലേക്ക് ഒരു സ്റ്റെപ് കൂടി കടന്ന ഒ. അഥവാ സീറോ അബ്ദുല്ല എന്നയാൾ തേജസ് പത്രത്തിലൂടെ വഹാബിസത്തിന്റെയും മൌദൂദിസത്തിന്റെയും തനിനിറം വ്യക്തമാക്കിയത് ..) ഒരു സ്ഥലത്ത് പോലും ഇത് നബിയുടെ മാത്രം പ്രത്യേകതയാണെന്നോ മറ്റ് സ്വാലിഹീങ്ങൾക്കില്ലെന്നോ കാണുന്നില്ല. മറിച്ച് എല്ലാ സ്ഥലത്തും പറയുന്നത് بآثار الصالحين സ്വാലിഹിങ്ങളുടെ ശേഷിപ്പ് കൊണ്ട് എന്നാണ്



ഇനിയും ഇമാം നവവി رحمه الله പറയുന്നത് കാണൂ സഹോദരങ്ങളേ

(فأغمي علي فتوضأ ثم صب علي من وضوئه فأفقت) الوضوء هنا بفتح الواو الماء الذي يتوضأ به، وفيه التبرك بآثار الصالحين وفضل طعامهم وشرابهم ونحوهما، (شرح مسلم للنووي –باب ميراث الكلالة – كتاب الفرائض)

ഈ ഹദീസിൽ നിന്ന് സ്വാലിഹീങ്ങളുടെ ശേഷിപ്പുകൾ കൊണ്ടും അവരുടെ ബാക്കിയുള്ള ഭക്ഷണം ,വെള്ളം എന്നിവകൊണ്ടും ബറക്കത്തെടുക്കാമെന്ന് കിട്ടും (ശറഹ് മുസ്‌ലിം )

ഇമാം നവവി رحمه الله തന്നെ വ്യക്തമായി പറയുന്നത് കാണുക

وفي هذا الحديث فوائد: منها تحنيك المولود عند ولادته وهو سنة بالإجماع كما سبق. ومنها أن يحنكه صالح من رجل أو امرأة. ومنها التبرك بآثار الصالحين وريقهم وكل شيء منهم (شرح النووي للمسلم كتاب الآداب - باب استحباب تحنيك المولود عند ولادته وحملـه إلى صالح يحنكه وجواز تسميته يوم ولادته)

ഈ ഹദീസിൽ ഒരു പാട് പാഠങ്ങളുണ്ട്, അതിൽ പെട്ടതാണ് സ്വാലിഹായ പുരുഷനോ സ്വാലിഹായ സ്ത്രീയോ കുട്ടിക്ക് മധുരം കൊടുക്കുകയെന്നുള്ളത്. അത് പോലെ സ്വാലിഹീങ്ങളുടെ തുപ്പു നീരുകൊണ്ടും മറ്റും ബറക്കത്തെടുക്കാമെന്നതും.

ഇനി ഈ ബറക്കത്തെടുക്കൽ പാടില്ല അത് അനിസ്‌ലാമികമാണേ , അന്ധവിശ്വാസമാണേ ,പൂജയാണേ എന്നൊക്കെ പറയുന്നത് എന്ത് അടിസ്ഥാനത്തിലാണ് ? ഏത് ഹദീസ് അനുസരിച്ചാണ് അല്ലെങ്കിൽ ഏത് ഇമാമിന്റെ വാക്കുകൾ അനുസരിച്ചാണ് ? ഒന്ന് കാണിക്കാമോ ? അത്തരത്തിലൊന്നും ഒരു ആരോപണക്കാരന്റെയും ബ്ലോഗിലോ മെയിലിലോ കവലപ്രസംഗത്തിലോ കൂലിയെഴുത്തിലോ കാണുന്നില്ല മറിച്ച് (അത്തരം ഹദീസുകൾ കാണുമ്പോൾ അത് അവഗണിച്ച് ചാടിപ്പോവുകയാണെന്നാണ് വഹാബിസത്തിന്റെയും മൌദൂദിസത്തിന്റെയും തനിനിറം വ്യക്തമാക്കിയത് !! )

ഇനി വഹാബി പണ്ഡിതൻ ശൌകാനി പറയുന്നത് കാണൂ

عن أم عطية قالت: «دَخَلَ عَلَيْنَا رَسُولُ اللَّهِ صَلَّى اللَّهُ عَلَيْهِ وَآلِهِ وَسَلَّمَ حِينَ تُوُفِّيَتْ ابْنَتُهُ فَقَالَ: اغْسِلْنَهَا ثَلاَثَاً أَوْ خَمْسَاً أَوْ أَكْثَرَ مِنْ ذَلِكَ إِنْ رَأَيْتُنَّ بِمَاءٍ وَسِدْرٍ، وَاجْعَلْنَ فَي الأَخِيرَةِ كَافُوراً أَوْ شَيْئاً مِنْ كَافُورٍ، فَإِذَا فَرْغْتُنَّ فَآذِنَّنِي، فَلَمَّا فَرَغْنَا آذَنَّاهُ فَأَعْطَانَا حَقْوَهُ فَقَالَ: أَشْعِرْنَهَا إِيَّاهُ يَعْنِي إِزَارَهُ وهو أصل في التبرك بآثار الصالحين (نيل الأوطار للشوكاني – كتاب الجنائز)

ഈ ഹദിസ് സ്വാലിഹീങ്ങളുടെ ശേഷിപ്പുകളെകൊണ്ട് ബറക്കത്തെടുക്കാമെന്നതിനുള്ള അട്സ്ഥാന രേഖയാണ്.

ഇവ്വിഷയകമായി ഇനിയും ഒരു പാട് ഇമാമുകളുടെ ഉദ്ധരണികൾ ആവശ്യമുള്ളവർക്ക് നൽകാം.ഇൻശാ അല്ലാഹ്.

ഇതിൽ വന്ന ഹദീസുകളുടെ പൂർണ്ണ രൂപം വേണ്ടവരും അറിയിക്കുക



ഒരു സഹോദരന്റെ മെയിലിൽ നിന്ന്


>>എന്നാൽ ഇപ്പോൾ സമൂഹത്തിൽ അന്ധവിശ്വാസം പ്രചരിപ്പിക്കുന്ന ഒരു വിഭാഗം നബി(സ)യുടെ മുടിയാണെന്നും പറഞ്ഞ് പല സ്ഥലങ്ങളിലും പ്രദർശനം നടത്താറുണ്ട്. നബി(സ)യുടെ ഏതെങ്കിലും ഒരു അവശിഷ്ടം ഇന്ന് ബാക്കിയുണ്ടോ ? നബി(സ)യുടെതാണെങ്കിൽ അതിന് പ്രത്യേകതയുണ്ട്. തീർച്ച <<<

നബി (സ) യുടെ ഏതെങ്കിലും ‘ ഒരവശിഷ്ടം ‘ ഇന്ന് ബാക്കിയുണ്ടോ ? എന്നാണ് ചോദിക്കുന്നത്. !

എന്റെ പൊന്നു സഹോദരാ,, തൌബ ചെയ്യുക (ശഹാദത്ത് കലിമ ചൊല്ലുന്നതായിരിക്കും ഏറ്റവുംനല്ലത് ) തിരു നബി യുടെ ഏറ്റവും പ്രധാനപ്പെട്ടതും ഇപ്പോഴും ഉള്ളതുമായ തിരുശേഷിപ്പാണ് വിശുദ്ധ ഖുർ‌ആൻ അത് ഒരു അവശിഷ്ടം ആണോ നിങ്ങൾക്ക് ??

അവശിഷ്ടം എന്ന മലയാള വാക്ക് ഇതിന് ഉപയോഗിക്കാമോ ??

ചത്തു എന്നാലും മരിച്ചു എന്നാലും ഒരേ അർത്ഥം കിട്ടുമെങ്കിലും ആരെങ്കിലും എന്റെ ഉപ്പ ചത്തു എന്ന് പറയലുണ്ടോ ? (വഹാബികൾ / മൌദൂദികൾ അങ്ങിനെ പറയാറുണ്ടെന്നാണോ ..നഊദുബില്ലാഹ് )

വിശുദ്ധ മദീനയിലെ മസ്‌ജിദുന്നബവിയുടെ ഉള്ളിലുള്ള അത്യധികം ആദരപൂർവ്വം സംരക്ഷിച്ച് പോരുന്നതും അപൂർവ്വ പുസ്തക ശേഖരങ്ങൾ ഉൾകൊള്ളുന്നതുമായ ലൈബ്രറിയുടെ ശേഖരത്തിലെ ഒരു കൊച്ചു പുസ്തകമാണ്

السر الموصول إلى آثار الرسول صلوات الله وسلامه عليه.
بقلم العلامة المحقق الفقير إلى رحمة مولاه السيد أحمد ياسين أحمد الخياري الأزهري.

എന്ന പുസ്തകം. (ലൈബ്രറിയുടെ സ്റ്റാമ്പടങ്ങുന്ന ആ പുസ്തകമാവശ്യമുള്ളവർക്ക് പ്രധാന പേജുകൾ സ്കാൻ ചെയ്ത് അയച്ചുതരുന്നതാണ് )

വളരെ ബഹുമാനപുരസ്സരം ലോകത്തിന്റെ വിവിധ ഭാഗങ്ങളിൽ സൂക്ഷിക്കപ്പെട്ടതും അല്ലാത്തതുമായ നബി صلى الله عليه وسلم യുടെ ജീവിതവുമായി ബന്ധപ്പെട്ട 34 ഓളം സ്മരണീയ വസ്തുക്കളെ പരിചയപ്പെടുത്തുകയാണി പുസ്തകം. അതിൽ ഇന്നുള്ള തിരുശേഷിപ്പുകളിൽ പെട്ടപ്രധാനപ്പെട്ടതാണ് വിശുദ്ധ ഖുർ‌ആനും മസ്ജിദുന്നബവിയുമൊക്കെ (അവയൊക്കെ അവശിഷ്ടമാണോ വഹാബികളേ / മൌദൂദികളേ ? )

തിരു നബി صلى الله عليه وسلم യുടെ കൈകൊണ്ട് വെച്ചതും അവിടുത്തെ ചുണ്ടുകൊണ്ടും നെറ്റി കൊണ്ടും ചുംബിക്കുകയും സുജൂദ് ചെയ്യുകയും ചെയ്തു എന്നുറപ്പുള്ള ഒരു തിരു ശേഷിപ്പാണ് വിശുദ്ധ ക‌അബയിലുള്ള ഹജറുൽ അസ്‌വദ് . അതൊരു അവശിഷടമാണോ ? തിരു നബി صلى الله عليه وسلم യുടെ തുപ്പു നിരു കലർന്ന തിരുശേഷിപ്പാണ് സംസം ..
അതൊരു അവശിഷ്ടമാണോ ?





ഒരു ബ്ലോഗർ തന്റെ ബ്ലോഗിന്റെ സൈഡ് ബാറിൽ തന്നെ അവശിഷ്ടം , വേസ്റ്റ് എന്നൊക്കെ പരസ്യം ചെയ്തിരിക്കുന്നു അവരോടും പറയാനുള്ളത്

സഹോദരാ തൌബ ചെയ്യുക (ശഹാദത്ത് കലിമ ചൊല്ലുന്നതായിരിക്കും ഏറ്റവുംനല്ലത് ) തിരു നബി യുടെ ഏറ്റവും പ്രധാനപ്പെട്ടതും ഇപ്പോഴും ഉള്ളതുമായ തിരുശേഷിപ്പാണ് വിശുദ്ധ ഖുർ‌ആൻ അത് ഒരു അവശിഷ്ടം ആണോ നിങ്ങൾക്ക് ??

അവശിഷ്ടം എന്ന മലയാള വാക്ക് ഇതിന് ഉപയോഗിക്കാമോ ??

ചത്തു എന്നാലും മരിച്ചു എന്നാലും ഒരേ അർത്ഥം കിട്ടുമെങ്കിലും ആരെങ്കിലും എന്റെ ഉപ്പ ചത്തു എന്ന് പറയലുണ്ടോ ? (വഹാബികൾ /മൌദൂദികൾ അങ്ങിനെ പറയാറുണ്ടെന്നാണോ ..നഊദുബില്ലാഹ് )


പ്രിയ സുന്നീ വായനക്കാരേ, സംസം കുടിക്കുമ്പോഴും ഹജറുൽ അസ്‌വദ് മുത്തുമ്പോഴും തിരു നബി صلى الله عليه وسلم തൊടുകയും മുത്തുകയും കുടിക്കുകയും ചെയ്തവയാണ് ഇവ എന്ന ബോധത്തോടെ അവയൊക്കെ ചെയ്താൽ ആ പുണ്യം ലഭിക്കുമെന്നോർക്കുക. അല്ലാഹു എല്ലാവർക്കും തൌഫീഖ് നൽകട്ടെ. ആമീൻ

ഇനിയും മാഹാന്മാരുടെ, സ്വാലീഹിങ്ങളുടെ ബർക്കത്തെടുക്കുന്ന വിഷയത്തിൽ ഇമാം ഹാകിം (റ) തന്റെ മുസ്തദ്റകിൽ ഉദ്ധരിക്കുന്നു.

كان محمد بن طلحة من الزهاد المجتهدين في العبادة وكان أصحاب رسول الله يتبركون به وبدعائه، وهو أول من لقب بالسجاد: حدّثنا بصحة ذلك أبو عبد الله الأصبهاني كما قدمت ذكره. (المستدرك على الصحيحين للحاكم باب ذكر مناقب محمد بن طلحة بن عبيد الله السجاد رضي الله عنهما)

മുഹമ്മദ്ബുനു ത്വൽഹ رضي الله عنه വലിയ മഹാനായിരുന്നു. തിരുനബി صلى الله عليه وسلم യുടെ സ്വഹാബത്ത് മഹാനവർകളുടെ ബറക്കത്ത് ആശിക്കാറുണ്ടായിരുന്നു .അവരുടെ ദുആ ആശിക്കാറുണ്ടായിരുന്നു.

ഇനി സ്വഹാബാക്കളും താബി‌ഉകളും ബറക്കത്തെടുത്തത് കാണുക

روى الإمام أحمد في مسنده عن ثابت البناني أنه قال لأنس بن مالك رضي الله عنه : يا أنس مسست يد رسول الله صلى الله عليه وسلم بيدك ؟ فقال أنس : نعم . قال ثابت : ارني أقبلها . أي أنها مسّت يد النبي صلى الله عليه وسلم .

ഇമാം അഹ്‌മദ് رحمه الله ,സാബിതുൽ ബുനാനി رحمه الله യിൽ നിന്നും റിപ്പോർട്ട് ചെയ്യുന്നു. അദ്ധേഹം അനസ് رضي الله عنه നോട് ചോദിച്ചു. അല്ലയോ അനസ് അങ്ങയുടെ കൈകൊണ്ട് നബി صلى الله عليه وسلم യുടെ കൈ തൊട്ടിട്ടുണ്ടോ ? അനസ് رضي الله عنه പറഞ്ഞു. അതേ, എങ്കിൽ ആ കൈ ഒന്ന് നീട്ടിത്തരൂ ഞാനതിനെ ചുംബിക്കട്ടെ എന്ന്

ഇനി ഇമാം ശാഫി‌ഈ ശിഷ്യനായ ഇമാം അഹ്‌മദ്ബുനു ഹമ്പൽ رحمهما الله നിന്ന് ബറക്കത്തെടുക്കുന്നത് കാണുക

قال الربيع بن سليمان : إن الشافعي رضي الله عنه خرج إلى مصر فقال لي : يا ربيع خذ كتابي هذا فامض به وسلمه إلى أبي عبد الله وائتني بالجواب . فقال الربيع : فدخلت بغداد ومعي الكتاب فصادفت أحمد بن حنبل في صلاة الصبح فلما انفتل من المحراب سلمت إليه الكتاب وقلت : هذا كتاب أخيك الشافعي من مصر . فقال لي أحمد : نظرت فيه ؟ فقلت : لا ، فكسر الختم وقرأ وتغرغرت عيناه ، فقلت له إيش فيه أبا عبد الله ، فقال يذكر فيه إنه رأى النبي صلى الله عليه وسلم فــي النوم فقال له : اكتب إلى أبي عبد الله فاقرأ عليه السلام وقل له : إنك ستمتحن وتدعى إلى خلق القرآن فلا تجبهم ، فيرفع الله لك علماً إلى يوم القيامة . قال الربيع فقلت له : البشارة يا أبا عبد الله . فخلع أحد قميصيه الذي يلي جلده فأعطانيه ، فأخذت الجواب ، وخرجت إلى مصر وسلمت إلى الشافعي فقال : إيش الذي أعطاك . فقلت قميصه . فقال الشافعي : ليس نفجعك به ، ولكن بلّه وارفع إلي لأتبرك به . طبقات وابن السبكي الكبرى للشافعية 1/205

ഇമാം ശാഫീ‍ഇ رحمهما الله അഹ്മദ്ബുനു ഹമ്പലി رحمهما الله ന്റെ ബറക്കത്തെടുക്കുന്നു. ഇമാം സുബ്കി رحمهما الله തന്റെ ത്വബഖാത്തിൽ പറയുന്നു. : (ചുരുക്കം ഇങ്ങിനെ ) ഇമാം ശാഫീ‍‌ഈ رحمهما الله നബി صلى الله عليه وسلم യെ സ്വപ്നം കാണുകയും ഇമാം അഹ്‌മദുബ്നു ഹമ്പലിന് താൻ പരീക്ഷണത്തിന് വിധേയനാകുമെന്നും അതിൽ താൻ വിജയിക്കുമെന്നും കത്തെഴുതാൻ കല്പിക്കുകയും ചെയ്തു. അങ്ങിനെ ഇമാം ശാഫീ‍ീ رحمه الله കത്ത് റബീ‌ഇ رحمه الله ന്റെ പക്കൽ കൊടുത്തയക്കുന്നു. .കത്ത് വായിച്ച് കരഞ്ഞ ഇമാം അഹ്‌മദ്ബ്നും ഹമ്പൽ رحمه الله മറുപടി അയക്കുകയും കൂടെ താൻ ധരിച്ചിരുന്ന ഷർട്ടും കൊടുത്തയച്ചു. ഇമാം ശാഫി‌ഈ رحمه الله ഈ ഷർട്ട് നനച്ച് അതിന്റെ വെള്ളം കൊണ്ട് ബർക്കത്തെടുക്കുകയും ചെയ്തു.

قال الإمام الرملي الشافعي : إن كان قبر نبي أو ولي أو عالم واستلمه ، أو قبله بقصد التبرك فلا بأس به .

ഇമാം റം‌ലി رحمه الله പറയുന്നു .ബർക്കത്ത് ഉദ്ദേശിച്ച് കൊണ്ട് നബിയുടെയോ വലിയ്യിന്റെയോ പണ്ഡിതന്റെയോ ഖബറുകൾ തൊട്ടുമുത്തുന്നതിന് വിരോധമില്ല. (അത് ഖബറിനെ ആരാധിക്കൽ അല്ല വഹാബികളും മൌദൂദികളും ആരോപിക്കുന്നത് പോലെ, മറിച്ച് ആദരവ് മാത്രം )

الشبراملسي عن الشيخ أبي الضياء في حاشية المواهب اللدنية قال محب الدين الطبري الشافعي : ويجوز تقبيل القبر ومسه وعليه عمل العلماء والصالحين . ” آسنى المطالب 1/331 “

ഇമാം ത്വബ്‌രി رحمه الله പറയുന്നു. ഖബറിനെ തൊടലും മുത്തലും അനുവദനിയമാണ്. സ്വാലിഹീങ്ങളും പണ്ഡിതരും അങ്ങിനെ ചെയ്തിട്ടുണ്ട്.

وهذا الإمام السلمي / متوفى 412 / يقول فـــي كتابه الطبقات في ترجمة معروف الكرخي ص 81 : وقبره ببغداد ظاهر يستشفى به ويتبرك بزيارته .

ഇമാം സുലമി رحمه الله തന്റെ ത്വബഖാത്തിൽ പറയുന്നു. രോഗ ശമനത്തിന് വേണ്ടിയും ബർക്കത്ത് ലഭിക്കാൻ വേണ്ടിയും മ‌അ്‌റൂഫുൽ കർ‌ഖിയുടെ ഖ‌ബറ് സിയാറത്ത് ചെയ്യപ്പെടാറുണ്ട്.

وقال الذهبي في 18 / 100 أبو الحسن علي بن حميد وكان ورعا تقيا محتشما يتبرك بقبره مات سنة اثنين وخمسين و أربع مائة وقد قارب الثمانين

ഇമാം ദഹബി رحمه الله അബുൽ ഹസൻ അലിയുടെ ചരിത്രത്തിൽ പറയുന്നു. അദ്ദേഹം മഹാനായിരുന്നു. അദ്ദേഹത്തിന്റെ ഖബ്‌റിൽ നിന്ന് ബർക്കത്തെടുക്കാറുണ്ടായിരുന്നു

ബർക്കത്തെടുക്കൽ മുസ്‌ലിം ലോകത്ത് തർക്കമില്ലാത്ത വിഷയമാണെന്ന് ഇവ മൂലം തെളിയുന്നു. (ഇജ്‌മാ‍ഇന് തുല്യമാണെന്ന് ഇമാം നവവി رحمه الله പറഞ്ഞതും കൂടെ കാണുക

فأخرج لنا سهل ذلك القدح فشربنا منه قال ثم استوهبه بعد ذلك عمر بن عبد العزيز فوهبه له) يعني القدح الذي شرب منه رسول الله صلى الله عليه وسلم هذا فيه التبرك بآثار النبي صلى الله عليه وسلم وما مسه أو لبسه أو كان منه فيه سبب، وهذا نحو ما أجمعوا عليه وأطبق السلف والخلف عليه من التبرك بالصلاة في مصلى رسول الله صلى الله عليه وسلم في الروضة الكريمة، ودخول الغار الذي دخله صلى الله عليه وسلم وغير ذلك، ومن هذا إعطاؤه صلى الله عليه وسلم أبا طلحة شعره ليقسمه بين الناس، وإعطاؤه صلى الله عليه وسلم حقوه لتكفن فيه بنته رضي الله عنها، وجعله الجريدتين على القبرين، وجمعت بنت ملحان عرقه صلى الله عليه وسلم، وتمسحوا بوضوئه صلى الله عليه وسلم، ودلكوا وجوههم بنخامته صلى الله عليه وسلم، وأشباه هذه كثيرة مشهورة في الصحيح وكل ذلك واضح لا شك فيه. (شرح مسلم للإمام النووي جزء 13 صفحة 145 باب إباحة النبيذ الذي لم يشتد ولم يصر مسكراً)

“ഈ ഹദീസിൽ നബി صلى الله عليه وسلم യുടെ ജീവിതവുമായി ബന്ധമുള്ളവയിൽ നിന്നൊക്കെ ബറക്കത്തെടുക്കൽ അനുവദനീയമാണെന്നുണ്ട്. എന്നല്ല അത് ഇജ്മാ‌ഇന് തുല്യമാണ് പൂർവ്വീകരും പിൽകാല പണ്ഡിതരും ഏകോപിച്ച വിഷയമാണ് നബി صلى الله عليه وسلم നിസ്കരിച്ച സ്ഥലത്ത് വെച്ച് നിസ്കരിക്കുക. നബി صلى الله عليه وسلم തങ്ങൾ പ്രവേശിച്ച ഗുഹയിൽ പ്രവേശിക്കുക തുടങ്ങിയവയൊക്കെ. നബി صلى الله عليه وسلم ബർക്കത്തിനു വേണ്ടി നൽകിയവയിൽ പെട്ടതാണ് അബൂത്വൽഹത്ത് رضي الله عنه ന്റെ പക്കൽ വിതരണത്തിനായി നൽകിയ തിരു കേശം, തന്റെ മകൾ സൈനബ رضي الله عنها യുടെ കഫൻ തുണിയുടെ അടിയിൽ വെക്കാൻ നൽകിയ വസ്ത്രം, ഖ‌ബറിന്റെ മുകളിൽ കുഴിച്ചിട്ട ഈത്തപ്പനച്ചില്ലകൾ, സ്വഹാബി വനിത ശേഖരിച്ച വിയർപ്പ്, വുളു ചെയ്യുമ്പോൾ ഉറ്റുവീഴുന്ന വെള്ളം സ്വഹാബത്തെടുത്ത് തടവിയത്. അവിടുത്തെ മൂക്കിൽ നിന്നൊലിച്ചതെടുത്ത് മുഖത്ത് പുരട്ടിയത് തുടങ്ങിയതൊക്കെ. ഇത്തരം സംഭവങ്ങൾ സ്വഹീഹായതും പ്രസിദ്ധവും വ്യക്തവുമാണ് (ശറഹു മുസ്‌ലിം 13/145 )

പക്ഷെ ആധുനിക വഹാബി /മൌദൂദി യുക്തിവാദി പറയുന്നു ..>>(അത്തരം ഹദീസുകൾ കാണുമ്പോൾ അത് അവഗണിച്ച് ചാടിപ്പോവുകയാണ് പതിവെന്ന് << കഷ്ടം !! ഇവിടെ പ്രതിപാതിച്ച ഉദ്ധരണികൾക്ക് എതിരായി അതൊന്നും പാടില്ലാത്തതാണെന്ന് ഒരു ഉദ്ധരണി കാണിക്കുക.







ശ‌അറേ മുബാറക് മസ്ജിദും എ.പി ഉസ്താദും ചില പള്ളപ്രശ്നക്കാരും

ഇനി വന്ദ്യരായ ഖമറുൽ ഉലമ ശൈഖുനാ കാന്തപുരം എ.പി. ഉസ്താദ് حفظه الله وبارك الله في عمره في خدمة الدين والمسلمين തിരു കേശം സൂ‍ക്ഷിക്കാനായി 40 കോടിയുടെ പള്ളി നിർമ്മിക്കുന്നു എന്ന വാർത്തയാണ് ചിലരെ ഇങ്ങനെയൊക്കെ പറയാൻ പ്രേരിപ്പിച്ചത്. പല സഹോദരൻമാരും അതിനു മറുപടിയൂം എഴുതിയിട്ടുണ്ട്

ഇവ്വിഷയകമായി രണ്ട് കാര്യങ്ങളാണ് പറയാനുള്ളത്

സംശയം ഒന്ന് : ഈ മുടി ഒറിജിനൽ ആണോ എന്ന സംശയം

മറുപടി : അത് ഒറിജിനൽ ആണെന്ന് തെളിയിക്കുന്ന സനദ് (രേഖ) വന്ദ്യരായ കാന്തപുരം ഉസ്താദ് അവിടെ കാണിച്ചിട്ടുണ്ട്. (ആർക്ക് വേണമെങ്കിലും പോയി കാണാവുന്നതുമാണ്) ആ മഹാനെ വിശ്വസിക്കുന്നവർക്ക് അത് മാത്രം മതി തെളിവ്. അല്ലാത്തവർ അസൂയാലുക്കളാണ് അവർ ഏത് പേരിൽ അറിയപ്പെട്ടാലും. അവർ ഇതിലും വലിയ ദുരാരോപണങ്ങൾ അഴിച്ചുവിട്ടിരുന്നു. ഒന്നും ഫലം കണ്ടില്ലെന്ന് മാത്രം .ഈ ആരോപണത്തിന്റെയും സ്ഥാനം ചരിത്രത്തിന്റെ ചവറ്റുകൊട്ടയിൽ തന്നെ.

രണ്ടാമത്തെതും പ്രധാനപ്പെട്ടതുമായ വിഷയം : ഈ മുടിക്ക് വേണ്ടി (അത് ഒറിജിനലായാൽ പോലും ) 40 കോടി മുടക്കി പള്ളി നിർമ്മിക്കണോ എന്നതാണ്.

പറ്റുമെന്നാണ് ഇമാമീങ്ങൾ പറയുന്നത് .എന്നല്ല നാല്പതല്ല നാനൂറ് കോടി ചെലവഴിച്ചാലും അമിതമെല്ലെന്നുമാണ് . താഴെയുള്ള ഉദ്ധരണി കാണുക

عن ابن سيرين قال قلت لعبيدة: عندنا من شعر النبي صلى الله عليه وسلم أصبناه من قبل أنس فقال: لأن تكون عندي شعرة منه أحب إلى من الدنيا وما فيها.
وفي رواية في طبقات السعد: لأن يكون عندي منه شعرة أحب إلي من كل صفراء وبيضاء على الأرض.

പ്രസിദ്ധ താബീ‍‌ഈ പണ്ഡിതനായ ഉബൈദത്ത് رضي الله عنه പറയുന്നു. “എന്റടുത്ത് തിരു നബി صلى الله عليه وسلم യുടെ ഒരു മുടിയുണ്ടാവുകയെന്നത് ഈ ലോകം മുഴുവനും കിട്ടുന്നതിനേക്കാളും പ്രിയപ്പെട്ടതാണെനിക്ക്. മറ്റൊരു റിപ്പോർട്ടിൽ “ ഭൂമിയിലുള്ള മുഴുവൻ സ്വർണ്ണവും വെള്ളിയും ലഭിക്കുന്നതിനേക്കാളും പ്രിയമാണ് “ എന്നും കാണാം

പിന്നെയെന്ത് നാല്പത് കോടി.




ഈ ഹദീസിനെ വ്യാഖ്യാനിച്ച് കൊണ്ട് ഇമാം ദഹബി പറയുന്നത് കാണുക (എല്ലാ വഹാബികളും മൌദൂദികളും കണ്ണ് തുറന്ന് വായിക്കുക. ബോധമുണ്ടെങ്കിൽ.. )

قلت: هذا القول من عبيدة هو معيار كمال الحب ، وهو أن يؤثر شعرة نبوية على كل ذهب وفضة بأيدي الناس ومثل هذا يقوله هذا الإمام بعد النبي صلى الله عليه وسلم بخمسين سنة فما الذي نقوله نحن في وقتنا لو وجدنا بعض شعره باسناد ثابت أو شسع نعل كان له أو قلامة ظفر أو شقفة من إناء شرب فيه؟!
فلو بذل الغني معظم أمواله في تحصيل شيء من ذلك عنده أكنت تعده مبذرا أو سفيها؟ -كلا- فابذل مالك في زورة مسجده الذي بنى فيه بيده ، والسلام عليه عند حجرته في بلده والتلذذ بالنظر إلى أحده وأحبه ، فقد كان نبيك صلى الله عليه وسلم يحبه وتملأ بالحلول في روضته ومقعده ، فلن تكون مؤمنا حتى يكون هذا السيد أحب إليك من نفسك وولدك وأموالك ، والناس كلهم ، وقبل حجرا مكرما نزل من الجنة وضع فمك لاثما مكانا قبله سيد البشر بيقين ، فهنأك الله بما أعطاك فما فوق ذلك مفخر ، ولو ظفرنا بالمحجن الذي أشار به الرسول صلى الله عليه وسلم إلى الجر ، ثم قبل محجنه لحق لنا أن نزدحم على ذلك المحجن بالتقبيل والتبجيل ونحن ندري بالضرورة أن تقبيل الحجر أرفع وأفضل من تقبيل محجنه ونعله وقد كان ثابت البناني رحمه الله إذا رأى أنس بن مالك أخذ يده فقبلها ، ويقول يد مست يد رسول الله صلى الله عليه وسلم.
فنقول نحن إذ فاتنا ذلك: حجر معظم بمنزله يمين الله في الأرض مسته شفتا نبينا صلى الله عليه وسلم لاثما له فإذا فاتك الحج وتلقيت الوفد فالتزم الحاج وقبل فمه وقدل فم مس بالتقبيل حجرا قبله خليلي صلى الله عليه وسلم. (سير أعلام النبلاء 4/40-43).

ഒരു ചുരുങ്ങിയ സാരം നൽകട്ടെ (സ്വർണ്ണലിപികളിൽ എഴുതപ്പെടേണ്ട അറബിയിലെ ഈ മധുരമായ വാക്കുകൾക്ക് അർത്ഥം പറയാൻ മലയാളം പര്യാപ്തമല്ലെങ്കിലും )

“ മനുഷ്യരുടെ കയ്യിലുള്ള സ്വർണ്ണത്തേക്കാളും വെള്ളിയേക്കാളും അല്ലെങ്കിൽ ഭൂമിയിലുള്ള സർവ്വത്തേക്കാളും തിരു നബി صلى الله عليه وسلم യുടെ ഒരു മുടിക്ക് ഉബൈദത്ത് رضي الله عنه നൽകിയ സ്ഥാനം തന്റെ സ്നേഹത്തിന്റെ അളവ് കോലാണ്. തിരു നബി യുടെ വഫാത്തിന് 50 വർഷത്തിനു ശേഷം ജീവിച്ച (വലിയ വലിയ മഹാന്മാരായ സ്വഹാബാക്കളുമായി സഹവസിച്ചവരാണിദ്ദേഹം) ഈ മഹാൻ ഇങ്ങിനെ പറഞ്ഞുവെങ്കിൽ ഇന്ന് നമുക്ക് ഒരു മുടിയോ അവിടുന്ന് കുടിച്ച ഒരു പാത്രത്തിന്റെ പോട്ടോ , ഒരു നഖത്തിന്റെ കഷണമോ ലഭിച്ചാൽ നാമെന്താണ് പറയുക

ഒരു സമ്പന്നൻ തന്റെ സമ്പാദ്യം മുഴുവനും ഇത്തരം ഏതെങ്കിലുമൊന്ന് സ്വായത്തമാക്കാൻ ശ്രമിച്ചാൽ അദ്ദേഹത്തെ കുറിച്ച് അത് അമിതമായി എന്ന് പറയാമോ ? അല്ലെങ്കിൽ പോയത്തക്കാരനെന്ന് പറയാമോ ? ഒരിക്കലും അങ്ങിനെ പറയരുതെന്നാണ് മഹാന്മാർ പറയുന്നത്. (വഹാബികളെ ഉദ്ദേശിച്ചായിരിക്കാം മഹാൻ ഇത്രയും ഗൌരവത്തിൽ പറഞ്ഞത് ) പക്ഷെ ആധുനിക വഹാബി /മൌദൂദി യുക്തി വാദി പറയുന്നു ..>>(അത്തരം ഹദീസുകൾ കാണുമ്പോൾ അത് അവഗണിച്ച് ചാടിപ്പോവുകയാണ് പതിവെന്ന് << കഷ്ടം !!

അതിനാൽ നി തിരു നബി صلى الله عليه وسلم യുടെ കൈകൊണ്ടുണ്ടാക്കിയ പള്ളിയിലെത്താൻ കഴിയുന്നത് മുഴുവനും ചെലവഴിക്കുക. അവിടുത്തെ തിരുസന്നിധിയിൽ ചെന്ന് സലാം പറയുക. അവിടുത്തെ ഉഹ്ദ് മലയിലേക്കും മറ്റും നോക്കി ആനന്ദിക്കുക. കാരണം ആ മലയെ തിരു നബി صلى الله عليه وسلم സ്നേഹിച്ചിരുന്നു. അവിടുന്ന് ഇരുന്ന സ്ഥലത്തും റൌദയിലും ഇരുന്ന് മതിയടയുക. കാരണം. ഈ തിരു ദൂതർ എന്നാണോ നിനക്ക് മറ്റെല്ലാനിക്കാളും പ്രിയപ്പെട്ടതാകുന്നത് അന്നേ നീ യഥാർത്ഥ മു‌അ്മിനാകൂ

സ്വർഗത്തിൽ നിന്നിറങ്ങിയ ആദരണീയമായ ഹജറുൽ അസ്‌വദിനെ നീ മുത്തുക. ആ കല്ലിൽ തിരു നബി صلى الله عليه وسلم യുടെ ചുണ്ടുകൾ തട്ടിയ സ്ഥലത്ത് നിന്റെ ചുണ്ട് വെക്കാൻ ഭാഗ്യം ലഭിക്കുന്നതിലും വലിയ നേട്ടമെന്താണ്. തിരുനബി صلى الله عليه وسلم ആ ഹജറുൽ അസ്‌വദിലേക്ക് ചൂണ്ടി ആഗ്യം കാണിച്ച് മുത്തം നൽകിയ ആ ചെറിയ വടി കിട്ടുകയാണെങ്കിൽ (ഹജറുൽ അസ്‌വദിനെ മുത്തലാണ് ഏറ്റവും പുണ്യമെന്നറിയാം എന്നാലും ) ആ വടിയെ ചുംബിക്കാൻ തിക്കും തിരക്കും കൂടൽ അനിവാര്യമാണ്. സാബിതുൽ ബുനാനി رحمه الله അനസ് رضي الله عنه വീനെ കാണുമ്പോൾ കൈ പിടിച്ച് മുത്തുകയും ഇങ്ങിനെ പറയാറുമുണ്ടായിരുന്നു. “ റസൂലുല്ലാന്റെ കൈ തൊട്ട കയ്യാണല്ലോ ഇത് “ എന്ന്

അതിനാൽ നമുക്ക് ഇതെല്ലാം നഷ്ടപ്പെട്ടെങ്കിൽ നമുക്ക് പറയാം ‘ഓ ഇത് തിരു നബി صلى الله عليه وسلم യുടെ പരിശുദ്ധ ചുണ്ടുകൾ പതിഞ്ഞ കല്ലാണല്ലോ‘ എന്ന് ഇനി അത് മുത്താൻ ഹജ്ജിന് പോകാൻ കഴിഞ്ഞില്ലെങ്കിൽ നീ ഇങ്ങിനെ ചെയ്തോ “ മക്കയിൽ പോയി ഹജറുൽ അസ്‌വദ് മുത്തി വരുന്ന ഒരു ഹാജിയെ കണ്ടാൽ ആ ഹാജിയുടെ ചുണ്ട് മുത്തി പറഞ്ഞോ ‘ഓ ഈ ചുണ്ട് തിരു നബി صلى الله عليه وسلم മുത്തിയ ഹജറുൽ അസ്‌വദ് മുത്തിയ ചുണ്ടാണല്ലോ “ (സിയറ് അ‌അ്ലാമുന്നുബലാ‌അ് വാള്യം 4 പേജ് 40-43 )

പ്രിയപ്പെട്ടവരേ , അതിനാൽ ഇനി ബഹു എ.പി. ഉസ്താദിന്റെ കൈ മുത്തുമ്പോൾ ഞങ്ങൾക്ക് പറയാം തിരു നബി صلى الله عليه وسلم യുടെ തിരുകേശം തൊട്ട കയ്യാണല്ലോ ഇത്. നിങ്ങൾ അരിശം കൊണ്ടിട്ട് കാര്യമില. അതെല്ലാം ഞങ്ങളുടെ ഹബിബ് صلى الله عليه وسلم യോടുള്ള ഞങ്ങളുടെ സ്നേഹ പ്രകടനമാണ്

പ്രിയ വഹാബി സുഹൃത്തുക്കളെ , ഈ അഡ്രസില്ലാത്ത ,പൂർവ്വീകരുടെ പിന്തുണയില്ലാത്ത വഹാബിസവും മൌദൂദിസവും വലിച്ചെറിഞ്ഞ് , സ്വാലിഹീങ്ങളുടേ പാത പിന്തുടരൂ.. അല്ലാഹു നമ്മേ അനുഗ്രഹിക്കട്ടെ

പി.ഡി.എഫ് ഫയൽ ഇവിടെ

കൂട്ടി വായിക്കാൻ : തിരുകേശം

Precious collection Click here

Prepared by : Islam.bulletin@gmail.com
visit : http://www.islambulletin.blogspot.com/

=========================================================

അറിയാന്‍ ആഗ്രഹിക്കുന്നവര്‍ക്ക് വേണ്ടി മർകസിലെ തിരു കേശ കൈമാറ്റ ചടങ്ങുകളുടെ വീഡിയോ ഇവിടെ ചേര്‍ക്കുന്നു. സനദ്, കൈമാറ്റ ചടങ്ങുകള്‍, കാന്തപുരത്തിന്റെ ഒപ്പ് വെക്കല്‍, നന്ദി പ്രസംഗം എല്ലാം ഇതില്‍ അടങ്ങിയിരിക്കുന്നു. ഇവിടെ


ഇവിടെയും കാണാം



നബി (സ)തങ്ങളുമായി ബന്ധപ്പെട്ട തിരുശേഷിപ്പുകൾ ഇമാം ഹുസൈൻ മസ്ജിദിൽ
തിരുകേശത്തിന്റെ പ്രത്യേകതയെ പറ്റി വിവരിക്കുന്നു - ലിങ്ക് ഇവിടെ

Rare belong to Rasoolullah in Masjid Imam Hussain



അബുദാബിയിൽ ശൈഖ് ‌ഖസ്‌റജിന്റെ വീട്ടിൽ ഈ വർഷം (2011) റബിഉൽ അവ്വൽ പന്ത്രണ്ടാ‍ം രാവിനു നടന്ന മൌലിദ് സദസ്സ് -ഇവിടെ


മക്കയിലെ ഒരു മൌലിദ് സദസ്സ്-ഇവിടെ



നന്ദി : http://islambulletin.blogspot.com/

http://ne3matullah.wordpress.com/

picture from http://ne3matullah.wordpress.com >>>click here

ഈ വിഷയത്തിൽ പ്രമുഖ പണ്ഡിതന്റെ വിശദീകരണം (ഓഡിയോ/ വീഡിയോ )ഉടൻ ബ്ലോഗിൽ പ്രതീക്ഷിക്കുക ഇൻശാ അല്ലാഹ്

കാന്തപുരം/താഹ മാടായി അഭിമുഖം-ഭാഗം-02

മർകസ് സുവനീർ 2011 ൽ നിന്ന്
ഒന്നാം ഭാഗം ഇവിടെ വാ‍യിക്കാം

മർകസ് സുവനീർ 2011

കാന്തപുരം /താഹ മാടായി അഭിമുഖം-ഭാഗം-01

1
2

3

4

5

ഇമേജിൽ ക്ലിക് ചെയ്ത് വലിയ സൈസിൽ കണ്ട് വായിക്കാം

മർകസ് 2011 സുവനീറിൽ നിന്ന്

മഹല്ല് ഫെഡറേഷൻ വാർത്താ സമ്മേളനവൂം ഇബ്‌റാഹിം മൌലവിയുടെ അറസ്റ്റും

കാസറഗോഡ് ജില്ലയിലെ ഒരു മദ്രസാ അദ്ധ്യാപകന്‍ ഭീകര വാദ കേസിലെ പ്രതിയായി അറസ്റ്റ് ചെയ്യപ്പെട്ട വാര്‍ത്ത സമുദായം ഞെട്ടലോടെ ആണ് ശ്രവിച്ചത്. ഇസ്ലാം മത വിദ്യാഭ്യാസ ബോര്‍ഡ് (ചേളാരി) വളരെ ശാശ്ത്രീയവും സൂക്ഷ്മ നിരീക്ഷണ സംവിധാനമുള്ളതെന്നൊക്കെ അവകാശപ്പെടുന്ന (എം എസ് ആര്‍ ) മുഅല്ലിം സര്‍വ്വീസ് രജിസ്തര്‍ അടക്കം അയാളുടെ പക്കലുണ്ട്.വ്യാജ മേല്‍വിലാസത്തില്‍ രണ്ടു വര്‍ഷമായി ജോലി ചെയ്യുന്നു. മൂന്നു വ്യാജ തിരിച്ചറിയല്‍ കാര്‍ഡുകളും വ്യത്യസ്ത രൂപത്തില്‍ ഉള്ള ഫോട്ടോകളും പോലീസ് കണ്ടെടുത്തു. എന്താണ് ഈ വാര്‍ത്ത നല്‍കുന്ന ഭീതിതമായ സന്ദേശം. മഹല്ല് ഭാരവാഹികളും ഉത്തരവാദപ്പെട്ട ആളുകളും നടത്തുന്ന ഗുരുതരമായ വീഴ്ചയാണ് കാരണമെന്ന് പറയാതെ വയ്യ.

കഴിഞ്ഞ മാസം കോഴിക്കോട് സുന്നി മഹല്‍ ഫെഡറേഷന്‍ നേതാക്കള്‍ നടത്തിയ വാര്‍ത്താ സമ്മേളനത്തില്‍ മര്കസിലെ കാശ്മീര്‍ വിദ്യാര്‍ഥികളുടെ സാന്നിദ്ധ്യം ഉയര്‍ത്തിക്കാട്ടി കാന്തപുരത്തിന്റെ വിദേശ ബന്ദവും കാശ്മീര്‍ ബന്ദവും അന്വേഷിക്കാന്‍ ആവശ്യപ്പെടുന്ന വാര്‍ത്ത പ്രമുഖ മീഡിയകള്‍ സംപ്രേഷണം ചെയ്തിരുന്നു. അമ്പലക്കടവ് ഫൈസി അടക്കമുള്ള ഈ നേതാക്കളോട് അര്‍ഹിക്കുന്ന ആദരവും ബഹുമാനവും വെച്ച് കൊണ്ട് തന്നെ താഴ്മയോടെ ഓര്‍മ്മപ്പെടുത്തുന്നു. സമുദായത്തിന്റെ നവോത്ഥാന നായകരെ കരിവാരി തേക്കുന്നതിനു മുമ്പ് സ്വന്തം കൂടാരത്തില്‍ കയറിപ്പറ്റി സമുദായത്തെയും രാജ്യത്തെയും നശിപ്പിക്കാന്‍ ഇറങ്ങിയ ഭീകരെ ഒന്ന് കണ്ടെത്താന്‍ ശ്രമിക്കുക. കാരണം നിങ്ങളെ ഒക്കെ വിശ്വസിച്ചാണ് ആയിരക്കണക്കിന് പിഞ്ചു മക്കളെ സുബഹിക്ക് മതപഠനത്തിനായി പറഞ്ഞയക്കുന്നത്. മേലില്‍ ഇത്തരം വില കുറഞ്ഞ തരം താണ വാര്‍ത്താ സമ്മേളനത്തിന് ഇറങ്ങരുത്. ജാഗ്രത പാലിക്കുക. നിങ്ങളുടെ നന്മയ്ക്കായി.. സമുദായത്തിന്റെ നന്മയ്ക്കും.

Aboobacker Ansarabad
(Abu Asifa)

Interview with A.P Usthad : The Visionary

ശൈഖുനാ ഖമറുൽ ഉലമ കാന്തപുരം അബൂബക്കർ മുസ്‌ലിയാരുമായി www.coastaldigest.com നടത്തിയ വിശദമായ അഭിമുഖം വായിക്കുക.

When luminaries from the Beary community had gathered on the second day of the World Beary convention organised by the Beary Cultural Forum, Dubai, a prominent non Beary personality stole the limelight all the way. It was none other than the reverend Shaik Abubakkar Ahmad or the more familiar A P Usthad. The reason for his presence over there and the kind of respect and admiration he received is rather simple. He is the one of the tallest figures in the line of Islamic scholars and social reformers among the present day Muslims in India. A large section of Mangalorean Muslims have always held him in such high esteem that every major religious and social gathering would crave for his luminous presence . No wonder he was accorded the much deserved red carpet welcome at the World Beary Meet.

Scores of eminent Islamic scholars have lived dearer to hearts of Muslims in India over the centuries, but very few have achieved the distinction that AP Usthad was able to achieve in a short span of time. In addition to being a highly revered and competent Islamic scholar of our times, he has been greatly acclaimed for his vision, leadership qualities in the field of Islamic and General Education, and social reforms among Muslims in India.
Excerpts from the interview taken by Coastaldigest team with A P Usthad during the World Beary Convention :

---------

-------

What do you say about the practice of dowry system among Muslims?

Usthad: Dowry system is a menace to the Islamic society. It must be eradicated. We have organized many campaigns against it and many more are planned in the coming years. Each year the outgoing students and Moulvis of the Markaz pledge against the dowry system and vow to work against the dowry system.

-------

------

മുഴുവനായി വായിക്കുവാൻ ഇവിടെ ക്ലിക് ചെയ്യുക

http://www.coastaldigest.com/

തിരുനബിയുടെ സ്നേഹ പ്രപഞ്ചം

സ്നേഹം അമൂല്യമാണ്; പ്രപഞ്ചത്തോളം വിശാലവും. വിവിധ തട്ടുകളിലും പാര്‍ശ്വങ്ങളിലുമായി സംവിധാനിക്കപ്പെട്ട മാനവിക സമൂഹത്തെ പരസ്പരം കൂട്ടിയിണക്കുകയും ബന്ധിപ്പിക്കുകയും ചെയ്യുന്ന ശക്തിയാണ് സ്നേഹം. ജീവിതത്തില്‍ ഭൌതികമായ സൌകര്യങ്ങളുടെ പരകോടിയിലെത്തിയവര്‍ക്കും അവശതകളാല്‍ പ്രാന്തവത്കരിക്കപ്പെട്ടവര്‍ക്കും ഒരുപോലെ ആവശ്യമുള്ളതും ഒഴിച്ചുകൂടാനാവാത്തതും ദാഹജലം പോലെ ജീവിതപ്രധാനവുമാണ് സ്നേഹം. മനുഷ്യ സമൂഹത്തിന്റെ ചരിത്രത്തില്‍ ഏറ്റവും വിലയും മൂല്യവും നല്‍കപ്പെട്ടുപോന്ന അമൃത് കൂടിയാണ് സ്നേഹം.


ആയിരത്തി നാനൂറ് വര്‍ഷങ്ങള്‍ക്കു മുമ്പ് മാനവിക സമൂഹത്തിന്റെ ഉന്നമനത്തിനും വികാസത്തിനും വേണ്ടി നിയുക്തരായ പുണ്യറസൂല്‍ മുഹമ്മദ് നബി മഹത്തരമായ ഈ സ്നേഹമാണ് പകര്‍ന്നു നല്‍കിയത്. തിരുനബിയുടെ ജീവിതം സ്നേഹ വിപ്ളവത്തിന്റെ ത്രസിപ്പിക്കുന്ന അനുഭവപാഠമാണ് നമുക്കു നല്‍കുന്നത്

തിരുനബിയുടെ സ്നേഹ പ്രപഞ്ചം: കാന്തപുരം എ.പി. അബൂബക്കർ മുസ്‌ലിയാരുടെ ലേഖനം

തുടർന്ന് വായിക്കാൻ ഇവിടെ ക്ലിക് ചെയ്യുക


രിസാല ഓണലൈനിൽ പ്രസിദ്ധീ‍കരിച്ചത്

www.risalaonline.com

കാശ്‌മീരിലെന്താ കാന്തപുരത്തിനുള്ളത് !!! ?

കാന്തപുരത്തിന് കാശ്‌മീരിലെന്ത് എന്ന് സംശയാസ്പദമായി ചോദ്യങ്ങൾ ഉന്നയിക്കുകയും അനാവശ്യ വിവാദങ്ങൾ സൃഷ്ടിക്കാൻ ശ്രമിക്കുകയും ചെയ്യുന്നവർക്കായി...

കാശ്‌മീർ ജനതയോട് കാന്തപുരം നടത്തിയ ദേശസ്നേഹപരവും, ഭീകര വിരുദ്ധവും , ഇസ്‌ലാമിന്റെ സമാധാന സന്ദേശങ്ങൾ വെട്ടിത്തുറന്ന് പ്രഖ്യാപിക്കുന്നതുമായ പ്രഭഷണത്തിന്റെ വീഡിയോ കൂടി ഇതിൽ അറ്റാച്ച് ചെയ്യുന്നു.

കാശ്‌മീരിലെന്താ കാന്തപുരത്തിനുള്ളത് വായിക്കാൻ ഇവിടെ ക്ലിക് ചെയ്യുക.

തയ്യാറാക്കിയത് ഇസ്‌ലാം കേരള.കോം


കൂടുതൽ വായനയ്ക്ക് സന്ദർശിക്കുക കാന്തപുരം.കോം

മദിനയിലേക്കുള്ള വഴി ; മദീനയുടെ വഴിയും

റബീഉല്‍ അവ്വല്‍ 1 (ഫെബ്രുവരി 15, 2010) ന് മാധ്യമം ദിനപത്രം നബി തങ്ങളോടുള്ള സ്നേഹത്തെ കുറിച്ച് പ്രസിദ്ധീകരിച്ച ലേഖനം

മദിനയിലേക്കുള്ള വഴി ; മദീനയുടെ വഴിയും

കാന്തപുരം എ.പി. അബൂബക്കര്‍ മുസ്ലിയാർ

1968ലാണ് ഞാന്‍ ആദ്യമായി മദീനയിലെത്തിയത്. മുഹമ്മദ്നബിയുടെ അന്ത്യവിശ്രമസ്ഥാനമായ വിശുദ്ധറൌദയും മദീനയും സൃഷ്ടിച്ച ആത്മീയാനുഭൂതി ഇന്നും മനസ്സില്‍ തെളിഞ്ഞുനില്‍ക്കുന്നു. തിരുനബി ജീവിക്കുകയും ഒരു ജനതയെ സമ്പൂര്‍ണമായി സംസ്കരിക്കുകയും ചെയ്ത മദീനയുടെ മണ്ണ് ഒരുപാട് കഥകള്‍ നമ്മോട് പറയുന്നു. വിശ്വസ്തന്‍ (അല്‍അമീന്‍) ആയി സര്‍വരാലും അംഗീകരിക്കുകയും ആദരിക്കുകയും ചെയ്ത മുത്തുനബി നടന്നുനീങ്ങിയ വഴിയും സഞ്ചരിച്ച പാതയും അവിടത്തെ വിശുദ്ധജീവിതം തൊട്ടറിഞ്ഞ മരുഭൂമിയും ആ വസന്തകുസുമത്തിന്റെ സൌരഭ്യം നുകര്‍ന്ന ഈത്തപ്പനത്തോട്ടങ്ങളും മനസ്സില്‍ സൃഷ്ടിക്കുന്ന വൈകാരികത അവര്‍ണനീയമാണ്. ഇന്നും ദിനംപ്രതി പതിനായിരക്കണക്കിന് വിശ്വാസികളാണ് മക്കയിലും മദീനയിലും എത്തിച്ചേരുന്നത്. തിരുനബിയോടുള്ള അടങ്ങാത്ത സ്നേഹവും അതിരറ്റ ബഹുമാനവും അവിടത്തോടുള്ള പ്രതിബദ്ധതയുംതന്നെ കാരണം.

പ്രവാചകസ്നേഹത്താല്‍ തരളിതരായി മദീനയിലൂടെ കുതിരപ്പുറത്ത് യാത്ര ചെയ്യാന്‍ മടിച്ചവര്‍, ആ തിരുനാമം കേള്‍ക്കുമ്പോള്‍ കണ്ണീര്‍ വാര്‍ത്തവര്‍, തിരുശരീരം കണ്ടമാത്രയില്‍ ബോധരഹിതരായവര്‍, റസൂലിന്റെ പേരെഴുതാന്‍ ശ്രമിച്ചപ്പോള്‍ കൈവിറച്ചവര്‍. ഇങ്ങനെ ചരിത്രത്തിന്റെ ചുമരില്‍ പതിഞ്ഞ ഒട്ടേറെ ചിത്രങ്ങളുണ്ട്.


സ്നേഹത്തിന്റെ ഉദാത്തവും ഉല്‍കൃഷ്ടവുമായ ജീവിതപാഠങ്ങളാണ് സ്വജീവിതത്തിലൂടെ തിരുനബി ലോകത്തിന് പകര്‍ന്നത്. സാംസ്കാരികവും ധാര്‍മികവുമായി മനുഷ്യസമൂഹം ധര്‍മച്യുതിയില്‍ അഭിരമിച്ച ഒരു കാലത്ത് നിയതവും നീതിനിഷ്ഠവുമാര്‍ന്ന ഒരു ദര്‍ശനത്തിലൂടെ പ്രവാചകന്‍ ലോകത്തെ ധാര്‍മികമായി സംസ്കരിച്ചെടുത്തു. മനുഷ്യഹൃദയത്തില്‍ സ്നേഹത്തിന്റെ കൈത്തിരി കൊളുത്തിയാണ് തിരുനബി ജനതയെ നേര്‍വഴിയിലേക്ക് നയിച്ചത്.നന്മയെ സ്നേഹിക്കുകയും തിന്മയെ വെറുക്കുകയും ചെയ്യുക എന്ന ഇസ്ലാമികദര്‍ശനത്തിന്റെ സമ്പൂര്‍ണപാഠങ്ങളെ നെഞ്ചിലേറ്റിയപ്പോള്‍ തിന്മയുടെ വാഹകരായിരുന്ന ഒരു സമൂഹം നന്മയുടെയും സത്യത്തിന്റെയും വക്താക്കളായി മാറി. മനുഷ്യന്റെ മനോഭാവത്തില്‍ മൌലികമാറ്റം വരുത്തിയാണ് റസൂല്‍(സ) ഈ സ്നേഹവിപ്ലവം സൃഷ്ടിച്ചത്.

ഗോത്രങ്ങളെയും കുലങ്ങളെയും സമൂഹകൂട്ടായ്മകളെയും അതിന്റെ പാഥേയങ്ങളില്‍ നിലനിറുത്തുകയും മനസ്സിനെ വിമലീകരിക്കുകയുമാണ് മുഹമ്മദ് നബി ചെയ്തത്. ഇതോടെ ഇസ്ലാമികദര്‍ശനത്തിലേക്ക് ജനങ്ങള്‍ ഒന്നൊന്നായി ഒഴുകിയെത്തി. സത്യവിശ്വാസികള്‍ക്ക് അഭയവും ആശ്വാസകേന്ദ്രവുമായി പ്രവാചകന്‍. എല്ലാറ്റിനെയും എല്ലാവരെയും അവിടുന്ന് സ്നേഹിച്ചു. സഹവര്‍ത്തിത്വത്തോടെ പെരുമാറുകയും സാന്ത്വനത്തിന്റെയും കാരുണ്യത്തിന്റെയും കരസ്പര്‍ശംകൊണ്ട് അവരെ അനുഗ്രഹിക്കുകയും ചെയ്തു. തങ്ങള്‍ ഉന്നതമായ സ്വഭാവത്തിന്റെ ഉടമയാണെന്ന ഖുര്‍ആനികവചനം സ്വജീവിതത്തിലൂടെ അന്വര്‍ഥമാക്കി. സ്നേഹം നല്‍കിയവര്‍ക്ക് സ്നേഹം തിരിച്ചുകിട്ടുമെന്ന് അരുള്‍ ചെയ്തു. ഈ സ്നേഹപാഠങ്ങളാണ് എന്നും മാനവരാശിയുടെ വിമോചനമന്ത്രവും വിജയനിദാനവും.ഒരാള്‍, മറ്റൊരാളെ സ്നേഹിക്കുന്നതിന് കാരണമായി മൂന്ന് കാര്യങ്ങളാണ് ചൂണ്ടിക്കാണിച്ചിരിക്കുന്നത്. സൌന്ദര്യം തുടങ്ങിയ ബാഹ്യഗുണങ്ങള്‍, വിജ്ഞാനം തുടങ്ങിയ ആന്തരികഗുണങ്ങള്‍, അയാളില്‍നിന്ന് ലഭിക്കുന്ന നന്മകളും ഉപകാരങ്ങളും. ഒരു വ്യക്തിയില്‍ ഒത്തുചേരുന്ന ഗുണങ്ങളുടെ എണ്ണത്തിന്റെയും വണ്ണത്തിന്റെയും അനുപാതമനുസരിച്ചായിരിക്കും സ്നേഹത്തിന്റെ ഏറ്റക്കുറച്ചില്‍. സുന്ദരനോടും അതിസുന്ദരനോടുമുള്ള സ്നേഹം തുല്യമല്ല. പണ്ഡിതനോടും, മഹാപണ്ഡിതനോടുമുള്ള സ്നേഹങ്ങള്‍ തമ്മിലുമുണ്ട് അന്തരം. അപ്രകാരം തന്നെ ചെറിയ ഗുണം ചെയ്തവരോടുള്ള സ്നേഹമാവില്ല വലിയ ഗുണം ചെയ്തവരോട്.

എന്നാല്‍, സ്നേഹത്തിനുള്ള എല്ലാ നിമിത്തങ്ങളും സമഗ്രമായി ഒരു വ്യക്തിയില്‍ ഒത്തുചേര്‍ന്നാലോ? ആ വ്യക്തി ലോകത്ത്, എല്ലാവരാലും, എപ്പോഴും, ഏറ്റവും സ്നേഹിക്കപ്പെടാന്‍ അര്‍ഹനായിരിക്കുമെന്ന കാര്യത്തില്‍ തര്‍ക്കമില്ല. അങ്ങനെ ഒരു വ്യക്തി പക്ഷേ ഉണ്ടാകുമോ? അതു സംഭവ്യമാണോ? അതേ, സംഭവ്യമാണ്. ലോകം ആ വ്യക്തിയെ നേര്‍ക്കണ്ണില്‍ കണ്ടു. ആ അതുല്യമായ വ്യക്തിപ്രഭാവത്തെ ശത്രുമിത്ര ഭേദമെന്യേ രേഖപ്പെടുത്തി. ബുദ്ധി, സൌന്ദര്യം, പ്രസന്നത, പ്രതിഭാശക്തി, സദാചാരം, സദ്സ്വഭാവം, സഹനം, സഹിഷ്ണുത, വിശാലമനസ്കത, വിശാലവീക്ഷണം, ദീര്‍ഘദര്‍ശനം, കാരുണ്യം, മഹാമനസ്കത, ധൈര്യം, സ്ഥൈര്യം, സാഹസികത, ഭരണം, നേതൃത്വം, സ്വാധീനം, നയതന്ത്രം, നീതിന്യായം, യുദ്ധപാടവം, സൈന്യാധിപത്യം, അധ്യാപനം, സംസ്കരണം, സമുദ്ധാരണം, പ്രസംഗം, ഉപദേശം, ശിക്ഷണം, സ്ഥിരോത്സാഹം, ആത്മാര്‍ഥത, പ്രവര്‍ത്തനം, സേവനം, സംഘാടനം, എല്ലാ മഹദ് ഗുണങ്ങളിലും അക്ഷരാര്‍ഥത്തില്‍ അതുല്യമായ ഒരു മഹാവ്യക്തിത്വത്തെ നാം ചരിത്രത്തില്‍ കാണുന്നു. അതാണ് ലോക പ്രവാചകനായ മുഹമ്മദ്നബി (സ).

മനുഷ്യസമൂഹത്തിന്റെ മോക്ഷത്തിനും സമുദ്ധാരണത്തിനും നബി ചെയ്ത ഏറ്റവും വലിയ സേവനമാണ് ഏറ്റം ശ്രദ്ധേയം. ഏതൊരു പരിഷ്കര്‍ത്താവിനും അസാധ്യമായ വിപ്ലവമാണ് തിരുനബി സാധിച്ചത്. പ്രവാചകരുടെ പ്രഥമസംബോധിതരായ അറബികളുടെ ദുരവസ്ഥയേക്കാള്‍ ദയനീയമായിരുന്നു റോമാ പേര്‍ഷ്യന്‍ സാമ്രാജ്യങ്ങളുടെയും യൂറോപ്പിന്റെയും സ്ഥിതി. എച്ച്.ജി.വെല്‍സിന്റെ വരികളില്‍: 'ബൈസാന്റിയന്‍ സാമ്രാജ്യവും പേര്‍ഷ്യന്‍സാമ്രാജ്യവും നശീകരണപോരാട്ടങ്ങളിലായിരുന്നു. ഇന്ത്യയാകട്ടെ തദവസരം ഛിദ്രതയിലും ദുഃസ്ഥിതിയിലുമായിരുന്നു' (A Short History of the World p. 244). അഞ്ചാം നൂറ്റാണ്ടുമുതല്‍ പത്താം നൂറ്റാണ്ടുവരെ യൂറോപ്പിലുടനീളം തമോരാത്രി വ്യാപിച്ചിരുന്നുവെന്ന് റോബര്‍ട്ട് ബ്രിഫോള്‍ട്ട്. നാഗരിക ലോകം മുഴുവന്‍ അക്കാലത്ത് നാശവക്ത്രത്തിലെത്തിയിരുന്നുവെന്നാണ് ജെ. എച്ച്. ഡെനിസന്‍ പറയുന്നത്.ഈ തലതിരിഞ്ഞ ലോകത്തിന്റെ ഗതിക്കു മാറ്റം വരുത്തി ഒരു വിശ്വോത്തര സമുദായത്തെ വാര്‍ത്തെടുക്കുക ക്ഷിപ്രസാധ്യമല്ല.

പ്രസിദ്ധ ഫ്രഞ്ച്സാഹിത്യകാരനായ ലാമാര്‍ട്ടിന്‍ നബിയുടെ നിരുപമവിജയത്തിനു മുമ്പില്‍ തലകുനിക്കുന്നു: 'ഇത്രയും മഹോന്നതമായ ഒരു ലക്ഷ്യത്തിനായി ഒരു മനുഷ്യനും ഇറങ്ങിത്തിരിച്ച ചരിത്രമില്ല. കാരണം ഈ ലക്ഷ്യം മനുഷ്യ കഴിവിന് അതീതമായിരുന്നു. മനുഷ്യന്റെയും സ്രഷ്ടാവിന്റെയും ഇടയ്ക്കു സൃഷ്ടിക്കപ്പെട്ട മിഥ്യാഭിത്തികള്‍ തകര്‍ക്കുകയും മനുഷ്യനെ കൈപിടിച്ച് നാഥന്റെ പടിവാതില്‍ക്കലേക്ക് ആനയിക്കുകയും ഉജ്വലവും സംശുദ്ധവുമായ ഏകദൈവസിദ്ധാന്തം, സര്‍വവ്യാപകമായ വിഗ്രഹാരാധനയുടെയും ഭൌതികദൈവങ്ങളുടെയും കാര്‍മേഘാന്തരീക്ഷത്തില്‍, യാഥാര്‍ഥ്യമാക്കുകയുമായിരുന്നു ആ പരമോന്നത ലക്ഷ്യം. ചെറുതും നിസ്സാരവുമായ ഉപാധികളുമായി ഇവ്വിധം ദുര്‍വഹവും എന്നാല്‍, അതിപ്രധാനവും അത്യുദാത്തവുമായ ഉത്തരവാദിത്തം മറ്റൊരു മനുഷ്യനും ഏറ്റെടുത്ത സംഭവമുണ്ടായിട്ടില്ല'.

ഇക്കാരണം കൊണ്ടു തന്നെയാണ് ഇരുനൂറ് വര്‍ഷംമുമ്പ് തോമസ് കാര്‍ലൈല്‍ സകല പ്രവാചകന്മാരുടെയും കൂട്ടത്തില്‍ നിന്ന് മുഹമ്മദ് നബിയെ ഏറ്റവും വലിയ ചരിത്രപുരുഷനായി തിരഞ്ഞെടുത്തത്. ഇരുപതാംനൂറ്റാണ്ടിന്റെ അന്ത്യത്തില്‍ മൈക്കല്‍ എച്ച്. ഹാര്‍ട്ട് ചരിത്രത്തില്‍ ഏറ്റം സ്വാധീനം ചെലുത്തിയ നൂറ് മഹാന്മാരുടെ ചരിത്ര പട്ടികയുള്‍ക്കൊള്ളിച്ചു ഗ്രന്ഥമെഴുതിയപ്പോള്‍ നബിക്ക് പ്രഥമസ്ഥാനം നല്‍കിയതിന്റെ കാരണവും മറ്റൊന്നല്ല.വിശ്വവിമോചകനായ മുഹമ്മദ്നബിയെ സ്നേഹിക്കാന്‍ ലോകം മുഴുവന്‍ കടപ്പെട്ടിരിക്കുന്നു. 'സകലലോകത്തിനും അനുഗ്രഹമായിട്ടു മാത്രമാണ് താങ്കളെ നിയോഗിച്ചിട്ടുള്ളത്' എന്നാണ് ഖുര്‍ആന്റെ പ്രസ്താവന. മനുഷ്യന്റെ പ്രഥമമായ പരമസ്നേഹം സ്രഷ്ടാവായ അല്ലാഹുവോടായിരിക്കണം. അടുത്ത പടി അല്ലാഹുവിന്റെ പ്രവാചകരായ തിരുനബിയോട്. അഥവാ സൃഷ്ടികളില്‍ ഏറ്റം വലിയ സ്നേഹം പ്രവാചകരോട്. ഈ സ്നേഹം സത്യവിശ്വാസത്തിന്റെ മൌലികഘടകമാണ്. 'പറയുക, നിങ്ങളുടെ പിതാക്കളും പുത്രന്മാരും സഹോദരങ്ങളും ഇണകളും കുടുംബങ്ങളും സമ്പാദിച്ച സ്വത്തുക്കളും മാന്ദ്യം ഭയപ്പെടുന്ന കച്ചവടച്ചരക്കുകളും ഇഷ്ടപ്പെട്ട മണിമാളികകളുമാണ്, അല്ലാഹുവേക്കാളും പ്രവാചകനേക്കാളും അവന്റെ മാര്‍ഗത്തിലെ ധര്‍മസമരത്തേക്കാളും നിങ്ങള്‍ക്ക് പ്രിയങ്കരമെങ്കില്‍ അല്ലാഹു അവന്റെ കല്‍പന നടപ്പില്‍ വരുത്തുന്നതുവരെ നിങ്ങള്‍ കാത്തിരിക്കുക. അതിക്രമികളായ ജനതയെ അല്ലാഹു സന്മാര്‍ഗത്തിലാക്കുകയില്ല' (ഖുര്‍ആന്‍ 9:24).

തന്റെ സന്താനങ്ങള്‍, മാതാപിതാക്കള്‍, മറ്റു ജനങ്ങള്‍ ഇവരെല്ലാവരേക്കാളും എന്നെ സ്നേഹിക്കുന്നതുവരെ ഒരാളും സത്യവിശ്വാസിയാവുകയില്ലെന്ന തിരുനബിയുടെ പ്രസ്താവന സുപ്രസിദ്ധമാണ്. ഉമര്‍ ഫാറൂഖ് ഒരിക്കല്‍ നബിയോട് പറഞ്ഞു: 'അല്ലാഹുവാണ്, ഞാന്‍ അങ്ങയെ, എന്റെ ശരീരത്തിലെ ആത്മാവൊഴിച്ചുള്ള മറ്റെല്ലാ വസ്തുക്കളെക്കാളും പ്രിയങ്കരമായി കാണുന്നു.' അപ്പോള്‍ നബി പറഞ്ഞു: സ്വന്തം ആത്മാവിനേക്കാളും ഞാന്‍ ഒരാള്‍ക്ക് പ്രിയങ്കരനാകുന്നതുവരെ ഒരാളും സത്യവിശ്വാസിയാവുകയില്ല. ഉടനെ ഉമര്‍ ഇങ്ങനെ പ്രതികരിച്ചു: അങ്ങേക്ക് വിശുദ്ധഗ്രന്ഥം അവതരിപ്പിച്ചവന്‍ തന്നെ സത്യം, എന്റെ ശരീരത്തിലെ ആത്മാവിനേക്കാളും അങ്ങ് എനിക്ക് പ്രിയങ്കരനാണ്.'

എന്താണ് സ്നേഹത്തിന്റെ ലക്ഷണം?

പ്രവാചകസ്നേഹത്തിന്റെ പ്രഥമ ലക്ഷണം അനുസരണവും അനുകരണവുമാണ്. വിശുദ്ധ ഖുര്‍ആന്‍ പറയുന്നു: 'നബീ, പറയുക, നിങ്ങള്‍ അല്ലാഹുവെ സ്നേഹിക്കുന്നുവെങ്കില്‍ എന്നെ അനുഗമിക്കുക. എങ്കില്‍ അല്ലാഹു നിങ്ങളെ സ്നേഹിക്കും.'

അപ്പോള്‍, നബിചര്യ ജീവിതത്തില്‍ പകര്‍ത്തണം. മനോധര്‍മങ്ങളില്‍ നബിയെ അനുകരിക്കണം. അതാണ് സ്നേഹത്തിന്റെ പ്രഥമവും പ്രധാനവുമായ ലക്ഷണം. തിരുനബി അനസുബ്നു മാലിക് എന്ന ശിഷ്യനു നല്‍കിയ ഉപദേശം കാണുക: 'കുഞ്ഞുമകനേ, നിന്റെ മനസ്സില്‍ ഒരാളോടും അസൂയയും പകയുമില്ലാതെ, പ്രഭാതത്തെയും പ്രദോഷത്തെയും അഭിമുഖീകരിക്കാന്‍ ശ്രമിക്കുക. അതെന്റെ ചര്യയില്‍പെട്ടതാണ്. എന്റെ ചര്യ വല്ലവനും ജീവിപ്പിച്ചാല്‍ അവന്‍ എന്നെ സ്നേഹിച്ചു. എന്നെ ആരെങ്കിലും സ്നേഹിച്ചാല്‍ അവന്‍ എന്നോടൊപ്പം സ്വര്‍ഗത്തിലായി'

http://madhyamam.com/story/മദീനയിലേക്കുള്ള-വഴി-മദീനയുടെ-വഴിയും

കാന്തപുരം ; ദൌത്യം മറക്കാതെ : അഭിമുഖം

ദുബൈ: പതിനഞ്ചാം ലോകസഭാ തെരഞ്ഞെടുപ്പ് ഫലം കേരള രാഷ്ട്രീയത്തിലുണ്ടാക്കിയ ചലനങ്ങള്‍ ഏവര്‍ക്കും ഹൃദിസ്ഥമായിക്കഴിഞ്ഞു. പല വമ്പന്‍മാരുടെയും 'കണ്ണുതളളിച്ച' മാററങ്ങളാണ് അതുണ്ടാക്കിയതും. എന്നാല്‍ തെരഞ്ഞെടുപ്പിലുടനീളം ശ്രദ്ധാകേന്ദ്രമാകുകയും ശേഷം വന്‍ വാദപ്രതിവാദങ്ങള്‍ക്ക് കേന്ദ്ര ബിന്ദുവാകുകയും ചെയ്ത മതപണ്ഡിതന്‍ മററാരുമല്ല, കാന്തപുരം എ.പി അബൂബക്കര്‍ മുസലിയാര്‍. 'അരിവാള്‍ സുന്നി സ്ഥാനാര്‍ഥി' രണ്ടത്താണിയെ തറപററിച്ചതിന്റെ അമിതാഹ്ളാദം ലീഗുകാരുടെ പച്ചപ്പായസത്തിലൂടെയും പച്ച ലഡുവിലൂടെയും ഏഴുകടലും കടന്ന് ഗള്‍ഫില്‍ വരെയെത്തിയെങ്കിലും ശാന്ത ഗംഭീരനായ കാന്തപുരത്തിന്റെ ചുണ്ടില്‍ പുഞ്ചിരിയല്ലാതെ നേരിയ വിഷാദഛായയെങ്കിലും ഉളവാക്കാന്‍ അവയ്ക്കൊന്നും കഴിഞ്ഞിട്ടില്ല. വിമര്‍ശനശരങ്ങള്‍ ഈ സുന്നി നേതാവിന് പുത്തരിയല്ലാത്തതു തന്നെ മുഖ്യകാരണം. ഒരു തെരഞ്ഞെടുപ്പ് ഫലത്തെ കുറിച്ചു മാത്രം എന്തിനു പറയുന്നു. ബഹുഭാര്യാത്വ വിഷയം, പാഠപുസ്തക വിവാദം, തുടങ്ങി കേരളീയ സാമൂഹിക സാംസ്കാരിക രംഗങ്ങളിലെ പ്രധാനപ്പെട്ട എല്ലാ തര്‍ക്കവിതര്‍ക്കങ്ങള്‍ക്കും 'എ.പി ഉസ്താദി'ന്റെ വാക്കുകേള്‍ക്കാനായിട്ടാണ് ചാനലുകാര്‍ ആദ്യം ഓടുന്നത്. എന്നാല്‍ തികഞ്ഞ യാഥാസ്ഥിതകമെന്നും അങ്ങേയററം പ്രതിലോമകരമെന്നും ഇടത് ബുദ്ധിജീവികളും മാധ്യമങ്ങളും വിമര്‍ശിക്കുമ്പോഴും നിലപാടുകളില്‍ കടുകിട വ്യതിചലിക്കാന്‍ കഴിയാത്ത കാന്തപുരത്തിന്റെ ഇച്ഛാശക്തിയും ആദര്‍ശദാര്‍ഢ്യവുമാണ് എന്നും ശ്രദ്ധിക്കപ്പെട്ടിട്ടുളളത്, കഠിന എതിര്‍പ്പുകള്‍ക്ക് വഴിമരുന്നാകുന്നതും മറെറാന്നല്ല. നമുക്കറിയാവുന്ന കാന്തപുരം ഇതൊക്കെയാണെങ്കിലും ഈജിപ്ത് മുതല്‍ ഇന്തോനേഷ്യവരെയുളള ഇസ് ലാമിക ലോകത്തും അമേരിക്ക ഉള്‍പ്പെടെയുളള പാശ്ചാത്യ നാടുകളിലും ശ്രദ്ധിക്കപ്പെടുന്ന, ഇന്ത്യയിലെ ഏററവും പ്രമുഖമായ ഇസ് ലാമിക പഠനകേന്ദ്രം മര്‍ക്കസുസസഖാഫത്തി സുന്നിയ്യയുടെ അമരക്കാരനുമായ ആലങ്ങാപ്പൊയില്‍ അബൂബക്കര്‍ മുസലിയാര്‍ സംസാരിക്കുന്നു.....

കാസർകോഡ് വാർത്ത.കോം തയ്യാറാക്കിയ വിശദമായ അഭിമുഖം

ഇവിടെ ക്ലിക് ചെയ്ത വായിക്കാം

മുസ്ലിം പാര്‍ട്ടിയുടെ പെരുപ്പം സമുദായത്തിന്‌ ദോഷം: കാന്തപുരം (interview)

interveiw : Sheikh Abobacker /P.T. Naser

കാന്തപുരം ആലങ്ങാപൊയില്‍ അബൂബക്കര്‍ മുസ്ലിയാര്‍ ആരാണ്‌? എന്നൊരു ചോദ്യം. അതു കേരളത്തിന്റെ മുന്നിലേക്കെറിയുക. ഉത്തരങ്ങള്‍ തുരുതുരാ വന്നുവീഴും. രണ്ടും മൂന്നും നാലുമായിരിക്കില്ല. പത്തും പതിനാറുമായിരിക്കില്ല. ഓരോ കോണില്‍ നിന്നും ഒരുപാട്‌ ഉത്തരങ്ങള്‍ വരും. കാരണം, ഓരോരുത്തര്‍ക്കും ഓരോ കാഴ്ചയാണ്‌. ചിലര്‍ക്കൊരു പഴഞ്ചനാണ്‌. പലര്‍ക്കും യാഥാസ്തികനാണ്‌, പിന്നെ ചിലര്‍ക്ക്‌ പാരമ്പര്യവാദിയാണ്‌, ഇനിയൊരു കൂട്ടര്‍ക്ക്‌ വിമതനാണ്‌, വേറെ ചിലര്‍ക്ക്‌ രാഷ്ര്ടീയ വാദിയാണ്‌, മറ്റൊരു കൂട്ടര്‍ക്ക്‌ ദുരൂഹമാണ്‌, അദ്ഭുതമാണ്‌, അജ്ഞാതമാണ്‌...

എന്നാല്‍ കേരളത്തിലെ സാമാന്യ മുസ്ലിം ലക്ഷങ്ങള്‍ക്ക്‌ വെളിച്ചത്തിന്റെ വെളിച്ചമാണ്‌. വിദ്യാഭ്യാസമെന്ന വെളിച്ചത്തിന്‌ ഇത്രയും വെളിച്ചമുണെ്ടന്ന്‌ ശരാശരി മുസ്ലിംകള്‍ കണ്ടറിഞ്ഞത്‌ കാരന്തൂരില്‍ മര്‍കസ്‌ എന്ന വിളക്ക്‌ തെളിഞ്ഞതിന്ന്‌ ശേഷമാണല്ലോ. മര്‍കസ്‌ വളര്‍ന്നു വരുന്ന മൂന്നു പതിറ്റാണ്ടിന്‌ മുമ്പുള്ള കാലം കേരള മുസ്ലിംകളെ സംബന്ധിച്ച്‌ ജാഹിലിയ്യാ കാലഘട്ടമായിരുന്നു. വിദ്യയുടെ പ്രഭ ചൊരിയുന്ന ധാരാളം സ്ഥാപനങ്ങള്‍ സമുദായത്തിന്റെ പേരിലും ചൂരിലും വളര്‍ന്നിട്ടുണ്ട്‌. അതുകൊണെ്ടാക്കെയും അതിന്റെ ഗുണവും ലഭിച്ചിട്ടുണ്ട്‌. സ്ഥാപനങ്ങളുണ്ടാക്കാന്‍ വേണ്ടി പ്രസ്ഥാനങ്ങളുണ്ടായിട്ടുണ്ട്‌. അവയും അവയുടെ ദൗത്യം സ്തുത്യര്‍ഹമായ രീതിയില്‍ തന്നെ നിര്‍വ്വഹിച്ചിട്ടുമുണ്ട്‌. പക്ഷേ, ഇതൊക്കെയും നടക്കുമ്പോഴും മുസ്ലിം സമുദായത്തിലെ മഹാഭൂരിപക്ഷം വിദ്യാഭ്യാസമെന്ന മഹാ നഗരത്തിനു പുറത്തോ അല്ലെങ്കില്‍ അതിന്റെ പ്രാന്തങ്ങളിലോ മാത്രമായിരുന്നു. ഇംഗ്ലീഷ്‌ വിദ്യാഭ്യാസത്തോടും ബ്രിട്ടീഷുകാര്‍ കൊണ്ടുവന്ന ആധുനിക വിദ്യാഭ്യാസത്തോടുമുള്ള ചരിത്രപരമായ വിയോജിപ്പ്‌ മാറിത്തുടങ്ങിയിരുന്നു. എങ്കിലും വിദ്യാഭ്യാസം സമഗ്രവും സമ്പൂര്‍ണ്ണവും സമകാലികവുമായി ഈ സമുദായത്തിന്‌ ലഭിച്ചിരുന്നില്ല. ഒന്നുകില്‍ മതവിദ്യാഭ്യാസം ?അല്ലെങ്കില്‍ ഭൗതിക വിദ്യാഭ്യാസം. രണ്ടിനും ഇടയിലുള്ള ഒരഭ്യാസമായിരുന്നു മൂന്നു പതിറ്റാണ്ടു മുമ്പു വരെയും കേരളത്തിലെ മുസ്ലിംകളില്‍ ബഹുഭൂരിപക്ഷത്തിനും വിദ്യാഭ്യാസം. ആ അവസ്ഥ മാറിയത്‌ മര്‍കസിന്റെ വരവോടെയാണ്‌. സമന്വയ വിദ്യാഭ്യാസമെന്ന അപാരമായ സാധ്യത മലര്‍ക്കെ തുറന്നപ്പോള്‍ പള്ളിദര്‍സുകളില്‍ നിന്നും പ്രതിഭകള്‍ പുതിയ കാലത്തിലേക്ക്‌ നടന്നുകയറി. മതവും ലോകവും ഒരേ പോലെ പഠിച്ചവര്‍ കേരളീയ സമൂഹത്തിന്‌ തന്നെ അദ്ഭുതമായി മാറി. ആത്മീയതയും രാഷ്ര്ടീയവും അവര്‍ക്ക്‌ മനസ്സിലാവും. ഇഹലോകത്തിനായി പരലോകം പണയം വെക്കേണ്ടി വരികയുമില്ല അവര്‍ക്ക്‌. കാരണം അവരുടെ വിദ്യാഭ്യാസത്തിന്റെ അടിത്തറ ഉറച്ചതാണ്‌. അതുകൊണ്ടു തന്നെ എത്ര ഉയരത്തിലേക്ക്‌ വളരാനും വേരുകള്‍ ഭൂമിയില്‍ ആഴ്ത്താനും അവര്‍ക്ക്‌ സാധിക്കും. അങ്ങനെ വളര്‍ന്ന അനേകായിരങ്ങള്‍ ഇന്ന്‌ ഇന്ത്യക്ക്‌ അകത്തും പുറത്തുമുള്ള മഹാനഗരങ്ങളില്‍ ജീവിതം കരുപിടിപ്പിക്കുന്നു. അവര്‍ക്ക്‌ ഒരു വിശേഷമുണ്ട്‌. മറ്റൊന്നുമല്ല. അവര്‍ക്കൊരു വിശേഷ ദിവസം അധികമുണ്ട്‌. മര്‍കസ്‌ സമ്മേളനം! അവര്‍ക്കത്‌ വലിയ പെരുന്നാളിനേക്കാള്‍ വലിയതാണ്‌. അതുകൊണ്ടു തന്നെ അത്‌ വെറുമൊരു ആഘോഷമല്ല. ആത്മസമര്‍പ്പണത്തിന്റെ അവസരമാണ്‌. ഓരോ വര്‍ഷവും പൂര്‍വ്വവിദ്യാര്‍ത്ഥികള്‍ മര്‍കസിനായി വിലപിടിപ്പുള്ള എന്തെങ്കിലും സംഭാവന ചെയ്യും. ഓരോ വര്‍ഷവും മര്‍കസ്‌ അറിവില്‍ സ്ഫുടം ചെയ്ത ചെറുപ്പക്കാരെ ലോകത്തിന്‌ സംഭാവന ചെയ്യും. അങ്ങനെ മുസ്ലിം കേരളത്തിന്റെ നടുമുറ്റത്ത്‌ വെളിച്ചമായി തെളിഞ്ഞു നില്‍ക്കുന്നു. ആ വെളിച്ചത്തിന്റെ പ്രഭവ കേന്ദ്രമാണ്‌ കാന്തപുരം ഉസ്താദ്‌. സാര്‍ത്ഥകമായ ഒരു ഗുരുപരമ്പരയുടെ ഈടുറ്റ കണ്ണിയുമാണാ വിളക്ക്‌. പിതാവായ കാന്തപുരം ആലങ്ങാപൊയില്‍ അഹമ്മദാജിയുടെ ദീര്‍ഘ വീക്ഷണത്തിന്റെ ഫലം കൂടിയാണത്‌. ചെറു പ്രായത്തില്‍ അബൂബക്കറിനെ പള്ളിയില്‍ കൊണ്ടു പോയിട്ട്‌, പിതാവ്‌ പഠിപ്പിച്ചത്‌ ഖതീബിന്റെ ചലനങ്ങള്‍ നോക്കിപ്പഠിക്കാനാണ്‌. ഒരു പണ്ഡിതന്‍ എങ്ങനെയാണ്‌ തന്റെ ജനതയെ നയിക്കുന്നതെന്ന്‌ കണ്ടുകൊണ്ടു വളര്‍ന്ന അബൂബക്കര്‍ അഹ്മദ്‌ പണ്ഡിതനായിത്തീര്‍ന്നതില്‍ അദ്ഭുതമില്ല. നേതാവായിത്തീര്‍ന്നതില്‍ അമ്പരക്കേണ്ടതുമില്ല. അതുകൊണ്ടു തന്നെ പണ്ഡിതനായ ഈ നേതാവിന്റെ ചിന്തയിലും പ്രവര്‍ത്തിയിലും മുന്നിട്ടു നില്‍ക്കുന്നത്‌ വിദ്യാഭ്യാസം മാത്രമാണ്‌. തന്റെ സമുദായത്തിലെ ചെറുപ്പക്കാര്‍ക്ക്‌ വിദ്യയുടെ വഴി കാണിക്കാനുള്ള വിദ്യകളെ കുറിച്ചാണ്‌ ആലോചന. മര്‍കസിന്റെ വളപ്പിലെങ്ങും മഹാ ആഘോഷത്തിന്റെ ആരവങ്ങള്‍ ഉയരുന്നതിനിടയിലാണ്‌ ഈ ചോദ്യം ഉസ്താദിന്റെ മുന്നിലേക്ക്‌ തള്ളിയത്‌.

1. കേരളത്തിലെ മുസ്ലിം സമുദായത്തിനു മുന്നിലുള്ള ഏറ്റവും പ്രധാനപ്പെട്ട വെല്ലുവിളിയെന്താണ്‌?

ഒരു നൊടിയിട പോലും വേണ്ടി വന്നില്ല ഉത്തരത്തിന്‌. എന്റെ അഭിപ്രായമനുസരിച്ച്‌, ഉന്നത തലങ്ങളില്‍ എത്തിപ്പെടാവുന്ന വിധത്തിലുള്ള വിദ്യാഭ്യാസ സ്ഥാപനങ്ങളുടെ കുറവാണ്‌. ഒരളവു വരെ, തൊഴിലില്ലായ്മയും. ഉന്നത വിദ്യാഭ്യാസമുണെ്ടങ്കില്‍ ചെറുപ്പക്കാര്‍ക്ക്‌ തൊഴിലുണ്ടാവും. തൊഴിലുണ്ടായാല്‍ മനസ്സമാധാനമുണ്ടാവും. ഉത്തരവാദിത്വ ബോധമുള്ള ജോലി നോക്കുന്ന ആളുകള്‍ക്ക്‌ ഒച്ചപ്പാടും ബഹളവുമുണ്ടാക്കാനും ഭീകര പ്രവര്‍ത്തനത്തിന്‌ പോകാനും സമയമുണ്ടാവില്ല. അപ്പോള്‍ രാജ്യത്ത്‌ സമാധാനമുണ്ടാവും.

2. വിദ്യാഭ്യാസ രംഗത്തെ ഈ ഇല്ലായ്മയും വെല്ലുവിളിയും മറികടക്കാന്‍ അങ്ങു കാണുന്ന മാര്‍ഗമെന്താണ്‌?

അതിനുള്ള മാര്‍ഗം, രാഷ്ര്ടീയ കക്ഷികള്‍ പകപോക്കലും പ്രതികാരം ചെയ്യലും നിര്‍ത്തി രാജ്യത്തിന്റെ പൊതു താല്‍പര്യത്തിന്‌ ഉതകുന്ന വിധത്തില്‍ യോജിച്ചു പ്രവര്‍ത്തിക്കുകയെന്നതാണ്‌. ഇതിന്‌ രണ്ടു പക്ഷവും ഒരുങ്ങണം. ഭരണപക്ഷവും, പ്രതിപക്ഷവും സങ്കുചിതമായ കക്ഷിതാല്‍പര്യങ്ങള്‍ മറ്റീവ്ക്കണം. ഒരു ഗവണ്‍മെന്റ്‌ അധികാരത്തില്‍ വന്നാല്‍ മുന്‍ ഗവണ്‍മെന്റിന്റെ കുറ്റങ്ങളും കുറവുകളും മാത്രം അന്വേഷിച്ചു നടക്കുന്നതാണ്‌ ഇന്നു നാം കാണുന്നത്‌. സര്‍ക്കാറിന്റെ സമയവും ഊര്‍ജ്ജവും പണവും അവരുടെ പകപോക്കലിനും പ്രതികാരത്തിനും മാത്രമായി ചെലവഴിക്കുകയാണ്‌. ഇതു പറയുമ്പോള്‍, കുറ്റകൃത്യങ്ങള്‍ അന്വേഷിക്കരുതെന്നോ കുറ്റവാളികളെ ശിക്ഷിക്കരുതെന്നോ അര്‍ത്ഥമാക്കേണ്ടതില്ല. അതൊക്കെ നടക്കണം. പക്ഷേ, പക പോക്കല്‍ മാത്രം നടന്നാല്‍ പോരാ. നാടിനുതകും വിധം ഭരണം നടക്കണം.

3. വിദ്യാഭ്യാസത്തിന്റെ കാര്യം പറയുമ്പോള്‍ മര്‍കസ്‌ ഒരു ചോദ്യമാവുന്നു. മര്‍കസും സുന്നീ സ്ഥാപനവും നിരവധി വിദ്യാഭ്യാസ സ്ഥാപനങ്ങള്‍ നടത്തുന്നുണ്ട്‌. എന്നാല്‍ മതേതരത്വത്തിനു വേണ്ടി ഈ സ്ഥാപനങ്ങള്‍ എന്താണ്‌ ചെയ്യുന്നത്‌?

മര്‍കസിനെ കുറിച്ചും സുന്നീ സ്ഥാപനത്തിന്റെ വിദ്യാഭ്യാസ സ്ഥാപനങ്ങളെ കുറിച്ചും അടുത്തറിയാത്തതു കൊണ്ടാണ്‌ ഈ ചോദ്യം. ഞങ്ങളുടെ എല്ലാ വിദ്യാഭ്യാസ സ്ഥാപനങ്ങളിലും അമുസ്ലിംകള്‍ പഠിക്കുകയും പഠിപ്പിക്കുകയും ചെയ്യുന്നുണ്ട്‌. അമുസ്ലിം വിദ്യാര്‍ത്ഥികള്‍ക്ക്‌ ഫീസിളവു കൊടുത്തും അര്‍ഹരായവരെ ഫീസീടാക്കാതെയും പഠിപ്പിക്കുന്നുണ്ട്‌. വിദ്യ നല്‍കുക എന്നതാണ്‌ മര്‍കസിന്‌ പ്രധാനം. അവിടെ മതഭേദമില്ല.

4. മര്‍കസ്‌ പ്രവര്‍ത്തനമാരംഭിച്ചിട്ട്‌ മൂന്നു പതിറ്റാണ്ടുകള്‍ കഴിഞ്ഞു. ഇപ്പോള്‍ വിലയിരുത്തുമ്പോള്‍ എന്തു തോന്നുന്നു? വിജയിച്ചോ? പ്രതീക്ഷകള്‍ സഫലമായോ?

നമ്മള്‍ പ്രതീക്ഷിച്ചതു പോലെ നൂറു ശതമാനമായില്ല; എങ്കിലും വലിയൊരളവു വരെ മര്‍കസിനു സാധിച്ചിട്ടുണ്ട്‌. മര്‍കസില്‍ നിന്ന്‌ സമന്വയ വിദ്യാഭ്യാസം നേടിയ നിരവധി വിദ്യാര്‍ത്ഥികള്‍ ഇന്ന്‌ ഉന്നത ജോലി നോക്കുകയും അതോടൊപ്പം തന്നെ ഉന്നതമായ ധാര്‍മിക മൂല്യം മുറുകെ പിടിക്കുകയും ചെയ്തുകൊണ്ട്‌ രാജ്യത്തിന്റെ സല്‍പ്പേര്‌ നിലനിര്‍ത്തുന്ന വിധത്തില്‍ പ്രവര്‍ത്തിക്കുന്നുണ്ട്‌ ? ഇന്ത്യക്കകത്തും പുറത്തും.

5. മതവിദ്യാഭ്യാസത്തിന്റെ ?പ്രത്യേകിച്ച്‌, മദ്രസാ വിദ്യാഭ്യാസത്തിന്റെ ? രീതി മാറ്റേണ്ടതിനെ കുറിച്ച്‌ സമുദായത്തിനകത്തു നിന്നും കേട്ടു തുടങ്ങിയിരിക്കുന്നു. ഈ അഭിപ്രായ ഗതിയെ എങ്ങനെ കാണുന്നു?

അടിസ്ഥാന പരമായ മാറ്റങ്ങളില്ലാതെ, ശൈലീ മാറ്റം പലപ്പോഴായി വിദ്യാഭ്യാസ ബോര്‍ഡ്‌ സ്വീകരിച്ചു പോന്നിട്ടുണ്ട്‌. ഇപ്പോള്‍ ഇനി പുതിയൊരു മാറ്റം വേണമെന്ന്‌ തോന്നിയിട്ടില്ല. കാലാനുസൃതമായ മാറ്റം വേണ്ടപ്പോഴൊക്കെ മാറ്റിയിട്ടുണ്ട്‌. അടുത്ത കാലത്തും അതു നടത്തിയിട്ടുണ്ട്‌.

6. പാരമ്പര്യവാദികള്‍ എന്നതിനപ്പുറത്തേക്ക്‌ കടന്ന്‌, പലപ്പോഴും കേരളത്തിലെ സുന്നികളെ പരാമര്‍ശിക്കുമ്പോള്‍ യാഥാസ്തികര്‍ എന്നും ഒരു വേള പഴഞ്ചന്മാര്‍ എന്നും പറയുന്നവരുണ്ട്‌. യാഥാസ്തികനെന്ന സംബോധനയെ എങ്ങനെ കാണുന്നു?

യാഥാസ്തികത്വം എന്നതിന്‌ രണ്ടു വ്യാഖ്യാനങ്ങളുണ്ട്‌. ഒന്നാമത്തേത്‌, രേഖകളുണേ്ടാ ഇല്ലയോ എന്നു പോലും നോക്കാതെ മുന്‍ തലമുറ(അവര്‍ പിഴച്ചവരാണോ നേര്‍വഴിക്കാരാണോ എന്നു പോലും വേര്‍ത്തിരിക്കാതെ) ചെയ്തതൊക്കെയും പിന്‍പറ്റുന്നതാണ്‌. ഇത്തരം യാഥാസ്തികത്വം ഇസ്ലാമിലില്ല. ഇതു ഒരു തരം പൗരോഹിത്യത്തിന്റെ രൂപമാണ്‌. ഇസ്ലാമില്‍ പൗരോഹിത്യമില്ലല്ലോ.എന്നാല്‍ മറ്റൊരു തരം യാഥാസ്തികത്വമുണ്ട്‌. ഇസ്ലാമിന്റെ നിയമങ്ങളും ചിട്ടകളും യഥാസ്ഥിതിയില്‍ തന്നെ നിലനിര്‍ത്തുകയും അതില്‍ വ്യതിയാനം വരുത്താതെ, സൂക്ഷിക്കുകയും ചെയ്യുക എന്നത്‌. മതവിരുദ്ധമായ ശൈലീ വ്യത്യാസങ്ങള്‍ ഇവിടെ സ്വീകാര്യമല്ല. ഈ യാഥാസ്തികത്വം ഞങ്ങള്‍ അംഗീകരിക്കുന്നു. ഈയര്‍ത്ഥത്തില്‍ ഞങ്ങള്‍ യാഥാസ്തികരാണ്‌-കുഴപ്പമില്ല.

7. വിദ്യാഭ്യാസത്തിന്റെ, അറിവിന്റെ, സംസ്കാരത്തിന്റെ, ഭൗതികമുന്നേറ്റത്തിന്റെ കാര്യത്തില്‍ സമുദായത്തിലെ പുതിയ തലമുറ നടത്തിയ മുന്നേറ്റത്തിനൊപ്പമെത്താന്‍ സമുദായ നേതൃത്വത്തിന്‌ കഴിഞ്ഞില്ല എന്നൊരു വിമര്‍ശനമുണ്ട്‌. എന്തു പറയുന്നു?

അതു ശരിയല്ല. സമുദായ നേതൃത്വം ആധുനിക ശാസ്ത്ര സാങ്കേതിക വിദ്യയെ കുറിച്ച്‌ ചിന്തിക്കുകയും ആ വഴിക്ക്‌ പുതിയ തലമുറയെ എത്തിക്കാന്‍ ശ്രമിക്കുകയും ചെയ്യുന്നതിന്റെ ഉദാഹരണമാണ്‌ മര്‍കസ്‌ പോലുള്ള സ്ഥാപനങ്ങള്‍. ഇവിടെ ഇന്റര്‍നെറ്റ്‌ പോലും പഠന സഹായിയാണ്‌. ?എന്തെല്ലാം ആധുനിക വിനിമയ സൗകര്യങ്ങളുണേ്ടാ അതെല്ലാം ഇവിടെ വിദ്യാഭ്യാസത്തിന്‌ മാധ്യമമാകുന്നുണ്ട്‌. അതിനെല്ലാം സമുദായ നേതൃത്വത്തിന്റെ മേല്‍നോട്ടമുണ്ട്‌. അതില്ലാതെ, ഗുരുനാഥനില്ലാതെ കുട്ടികള്‍ കമ്പ്യൂട്ടറില്‍ നിന്ന്‌ പഠിക്കട്ടെ എന്ന നിലപാട്‌ പറ്റില്ല. ഗുരുനാഥന്‍ വേണം. ധാര്‍മിക മൂല്യങ്ങളെ കുറിച്ചുള്ള അറിവു പകരണം. അത്‌ സമുദായ നേതൃത്വത്തിന്റെ ദൗര്‍ബല്യമല്ല; ശക്തിയാണ്‌.

8. മുസ്ലിം സമുദായ നേതൃത്വത്തിനെതിരെയുണ്ടാകുന്ന മറ്റൊരു വിമര്‍ശനം ഐക്യമില്ലായ്മയാണ്‌. ശാഖാപരമായ ഭിന്നിപ്പുകള്‍, കര്‍മശാസ്ത്രപരമായ ഭിന്നിപ്പുകള്‍, സംഘടനാപരമായ ഭിന്നിപ്പുകള്‍, കൂടാതെ സംഘടനകള്‍ക്കകത്തെ ഭിന്നിപ്പുകള്‍. ഇതിനൊരു അവസാനമില്ലേ? ഐക്യത്തിനു കഴിയില്ലേ?

ഇന്ത്യയിലെ മുസ്ലിംകള്‍ പിന്നാക്കമായി തള്ളപ്പെട്ടു പോകാന്‍ ഒരു പ്രധാന കാരണം ഭിന്നിപ്പു തന്നെയാണ്‌. പക്ഷേ, ഈ ഭിന്നിപ്പുകളെല്ലാം ശാഖാപരമാണെന്ന്‌ പറഞ്ഞുകൂടാ. 1921വരെയും കേരള മുസ്ലിംകള്‍ക്കിടയില്‍ അടിസ്ഥാന പരമായി പറയത്തക്ക അഭിപ്രായ വ്യത്യാസങ്ങള്‍ ഒന്നും തന്നെ ഉണ്ടായിരുന്നില്ല. 21ന്‌ ശേഷം, ഇവിടെ ഐക്യസംഘം എന്ന പേരില്‍ ഒരു സംഘടന നിലവില്‍ വരികയും, പൗരാണിക മുസ്ലിംകള്‍ ആദരിച്ചും വിശ്വസിച്ചും പോരുന്നതെല്ലാം തെറ്റാണെന്ന്‌ പ്രചരിപ്പിച്ചു തുടങ്ങുകയും ചെയ്തപ്പോഴാണ്‌ ഭിന്നിപ്പ്‌ ഉടലെടുത്തത്‌.

9. സംഘടനാ പരമായ ഭിന്നിപ്പിന്റെ കാര്യമോ?

സംഘടനകളുടെ ഭിന്നിപ്പ്‌ അടുത്ത കാലത്ത്‌ കൂടുതലായി എന്നേയുള്ളൂ.

10. ഭിന്നിപ്പുകള്‍ക്കിടയിലും ഇടക്കിടെ മുസ്ലിം ഐക്യത്തെക്കുറിച്ചും ഐക്യവേദിയെ കുറിച്ചും കേള്‍ക്കാറുണ്ട്‌. അവയെല്ലാം താല്‍ക്കാലിക പ്രതിഭാസമായി ഒടുങ്ങുകയും ചെയ്യുകയാണ്‌. ഒരു സ്ഥിരം മുസ്ലിം ഐക്യവേദിയുടെ ആവശ്യമുണേ്ടാ? ഉണെ്ടങ്കില്‍ എന്തുകൊണ്ടത്‌ സാധ്യമാവുന്നില്ല?

ഇതേവരെ കണ്ടുവന്ന ഐക്യവേദികളൊക്കെയും ഒത്തുകൂടിപ്പിരിയല്‍ മാത്രമായിരുന്നു. അതുകൊണ്ടാണ്‌ സുന്നികള്‍ ഈ ഐക്യവേദികളില്‍ പങ്കെടുക്കാതെ വിട്ടു നില്‍ക്കുന്നത്‌. ഐക്യവേദി, സൗഹൃദവേദി എന്നൊക്കെ പറഞ്ഞ്‌ നാലാള്‍ ഒത്തുകൂടി ഐക്യം എന്നു പറയുകയും പുറത്തിറങ്ങുമ്പോള്‍ തന്നെ പരസ്പരം ദൂഷണം പറയുകയും ചെയ്യുന്ന ഏര്‍പ്പാട്‌ ആയിട്ടാണ്‌ അനുഭവപ്പെട്ടത്‌. അതാണ്‌ ഐക്യം ഉണ്ടാവാത്തത്‌. ഐക്യമുണ്ടാവണമെങ്കില്‍ പൗരാണിക മുസ്ലിംകള്‍, നല്ലവരായ മുസ്ലിംകള്‍, പഠിപ്പിച്ച മാര്‍ഗത്തിലേക്ക്‌ എല്ലാവരും മടങ്ങണം. ഐക്യത്തിലേക്ക്‌ മറ്റൊരു വഴിയുമില്ല.

11. സുന്നീ ഐക്യത്തിന്റെ കാര്യത്തില്‍?

ഞങ്ങളുടെ നിലപാട്‌ സുന്നീഐക്യം വേണം എന്നു തന്നെയാണ്‌. അതേ സമയം, സുന്നീ ഐക്യമെന്നാല്‍ സുന്നീ സംഘടനകളുടെ ലയനം എന്നല്ല അര്‍ത്ഥം. സംഘടനകള്‍ സംഘടനകളായി നിലനിന്നു കൊണ്ട്‌ ഒരു സംഘടന പറയുന്നതിനെ മറുപക്ഷത്തെ സംഘടന എതിര്‍ക്കാതിരിക്കുക. സുന്നീ വിരുദ്ധമായ നീക്കങ്ങള്‍ ഉണ്ടാവുമ്പോള്‍ ഒറ്റക്കെട്ടായി നിന്ന്‌ ചെറുക്കുക. വേദികളും പരിപാടികളും പരസ്പരം പങ്കിടുക. ഇത്രയും ചെയ്താല്‍ തന്നെ സുന്നീ ഐക്യമായി.


12.മുസ്ലിംകളുടെ സംഘടനാ ബാഹുല്യം രാഷ്ര്ടീയത്തിലേക്കും കടന്നുകയറുകയാണല്ലോ.
മുസ്ലിംകള്‍ക്കിടയില്‍ നിന്ന്‌ രണ്ടു രാഷ്ര്ടീയ പാര്‍ട്ടികള്‍ കൂടി പ്രഖ്യാപിക്കപ്പെട്ടു. കേരളത്തിലിപ്പോള്‍ തന്നെ മുസ്ലിംകളെ കേന്ദ്രീകരിച്ച്‌ മൂന്ന്‌ രാഷ്ര്ടീയ പാര്‍ട്ടികള്‍ നിലവിലുണ്ട്‌. ഈ പെരുപ്പത്തെ എങ്ങനെ വിലയിരുത്തുന്നു?

തീര്‍ച്ചയായും മുസ്ലിം സമുദായത്തിന്‌ ഏറ്റവുമധികം അപകടം മാത്രമാണ്‌ അതുകൊണ്ട്‌ വരാന്‍ പോകുന്നത്‌. വോട്ടുകള്‍ ഭിന്നിച്ച്‌, ചിന്നിച്ചിതറും. മുസ്ലിം എം.പി.മാരുടെയും എം.എല്‍.എമാരുടെയും എണ്ണം കുറയലായിരിക്കും ആത്യന്തിക ഫലം. മുസ്ലിംകളുടെ അവകാശം അവര്‍ക്ക്‌ നല്‍കിയില്ലെങ്കിലും നില നില്‍ക്കാനാവുമെന്ന്‌ മറ്റു രാഷ്ര്ടീയ പാര്‍ട്ടികള്‍ മനസ്സിലാക്കും. അതു മുസ്ലിംകള്‍ക്ക്‌ വന്‍തോതില്‍ ദോഷം ചെയ്യും.

13. ഒരിക്കല്‍ കൂടി മര്‍കസ്‌ മഹാ സംഗമം കടന്നുപോകുകയാണ്‌. ഈ സമ്മേളനം ഈ കാലഘട്ടത്തിന്‌ നല്‍കുന്ന സന്ദേശമെന്താണ്‌?

ആത്മീയതയില്‍ ഊന്നിനിന്നു കൊണ്ട്‌ രാജ്യത്തിന്റെ അഖണ്ഡത കാത്തുസൂക്ഷിക്കുകയും മതമൈത്രിയും മതസൗഹാര്‍ദ്ദവും നിലനിര്‍ത്താന്‍ യത്നിക്കുകയും ചെയ്യുക.

അവസാനത്തെ ചോദ്യമായിരുന്നു ചോദിച്ചു കഴിഞ്ഞത്‌. എന്നാല്‍ ആത്മീയത എന്ന സംജ്ഞ ഉയര്‍ന്നു വന്നതുകൊണ്ട്‌ ഒരു ചോദ്യം കൂടി ഉദിക്കുന്നുണ്ട്‌. ഇസ്ലാമിക ആത്മീയതയുടെ പ്രതീകങ്ങളായ സൂഫിസവും ത്വരീഖത്തുമാണല്ലോ അടുത്ത കാലത്ത്‌ ഏറെ ദുരുപയോഗം ചെയ്യപ്പെട്ടത്‌. എന്തുകൊണ്ടാണ്‌ ഇങ്ങനെ സംഭവിച്ചത്‌? എന്തുകൊണ്ടാണ്‌ ചിലര്‍ക്ക്‌ ആത്മീയതയുടെ മറവില്‍ നിന്ന്‌ വിധ്വംസക പ്രവര്‍ത്തനങ്ങള്‍ നടത്താന്‍ സാധിച്ചത്‌?

യഥാര്‍ത്ഥത്തില്‍, മനസ്സ്‌ ശുദ്ധീകരിച്ച്‌ വെളിച്ചമുണ്ടാക്കുക എന്നതാണ്‌ സൂഫിസം കൊണ്ട്‌ ഉദ്ദേശിക്കുന്നത്‌. ഭൗതികമായതെല്ലാം ഒഴിക്കുക എന്നോ ഉള്ളിലേക്ക്‌ ചുരുളുക എന്നോ താല്‍പര്യമില്ല. ഹൃദയ ശുദ്ധി കൈവരിക്കുക. അഹംഭാവം, ഗര്‍വ്വ്‌, അസൂയ, ഭൗതിക താല്‍പര്യത്തോടുള്ള അതിയായ ആകര്‍ഷണം, പൈശാചിക പ്രവണതകളോടുള്ള ആഗ്രഹം, എന്നിവയില്‍ നിന്നെല്ലാം ഹൃദയത്തെ ശുദ്ധീകരിച്ച്‌, സ്രഷ്ടാവായ അള്ളാഹുവിലേക്ക്‌ അടുക്കുക എന്നതാണ്‌ യഥാര്‍ത്ഥ സൂഫിസം. അതിലേക്ക്‌ എത്തിച്ചേരാന്‍ സമുന്നതരായ ഗുരുവര്യരുടെ ഉപദേശവും നിര്‍ദേശവും ശിക്ഷണവും അനിവാര്യമാണ്‌. അത്‌ സ്വീകരിക്കുന്നതിനെയാണ്‌ ത്വരീഖത്ത്‌ എന്ന്‌ പറയുന്നത്‌. ശൈഖ്‌ മുഹ്‌യിദ്ദീന്‍ അബ്ദുല്‍ ഖാദിര്‍ ജീലാനി, ശൈഖ്‌ അഹ്മദ്‌ കബീര്‍ രിഫാഈ, ഖാജാ മുഈനുദ്ദീന്‍ ചിശ്തി, മമ്പുറം സയ്യിദ്‌ അലവി തങ്ങള്‍ തുടങ്ങിയ ധാരാളം ഗുരുവര്യന്‍മാര്‍ ഈ വഴിയാണ്‌ ജനങ്ങള്‍ക്ക്‌ പഠിപ്പിച്ചു കൊടുത്തത്‌. അവരെ അധിക്ഷേപിക്കുന്നവരെ പോലും സത്യമാര്‍ഗത്തിലേക്ക്‌ കൊണ്ടുവരാനാണ്‌ അവര്‍ ശ്രമിച്ചത്‌. സൂഫിസത്തിന്റെയും ത്വരീഖത്തിന്റെയും വേഷമണിഞ്ഞ്‌ ധന സമ്പാദനത്തിന്റെയും സ്ഥാനമാനത്തിന്റെയും മാര്‍ഗം തിരയുന്നവര്‍ സ്വീകരിക്കുന്നത്‌ യഥാര്‍ത്ഥ സൂഫിസമോ ത്വരീഖത്തോ അല്ല. യഥാര്‍ത്ഥ പ്രവാചകന്‍മാര്‍ക്കെതിരെ പ്രവാചക വാദികള്‍ രംഗത്തുവന്നിരുന്നതു പോലെ, യഥാര്‍ത്ഥ ശൈഖുമാര്‍ക്കെതിരെ വ്യാജ ശൈഖുമാര്‍ രംഗത്തു വരുന്നതിനെ സുന്നികള്‍ ശക്തമായി എതിര്‍ക്കുന്നുണ്ട്‌. കള്ളവാദികളും പ്രവാചകത്വ വാദികളും ത്വരീഖത്തുവാദികളും എക്കാലത്തും ഉണ്ടായിട്ടുണ്ട്‌. അത്‌ കാലഘട്ടത്തിന്റെ പ്രത്യേകതയല്ല. എന്നാല്‍ ഈ വഴികളെയും വിശ്വാസ രീതികളെയും ദുരുപയോഗം ചെയ്യുമ്പോള്‍ യാതൊരു പ്രത്യേകതയുമില്ലെന്ന്‌ പറഞ്ഞ്‌ നോക്കിനില്‍ക്കാന്‍ സുന്നികള്‍ക്കാവില്ല. വ്യാജന്മാര്‍ക്കെതിരെ ആഞ്ഞടിക്കുക തന്നെ ചെയ്യും. ഈ കാലഘട്ടത്തില്‍ അങ്ങനെ ചെയ്യുന്നത്‌ മുസ്ലിം ഉമ്മത്തിനും രാജ്യത്തിനും വേണ്ടിയാണ്‌

കാന്തപുരം.കോം പ്രസിദ്ധികരിച്ചത്‌
ഇവിടെ ഒറിജിനല്‍

ബഹുഭാര്യത്വം; മതം കല്‍പ്പിച്ചതും, സംവാദകര്‍ പറയുന്നതും

ബഹുഭാര്യത്വം; മതം കല്‍പ്പിച്ചതും, സംവാദകര്‍ പറയുന്നതും

കാന്തപുരം എ.പി. അബൂബക്കര്‍ മുസ്ലിയാരുടെ ലേഖനം
ഇവിടെ വായിക്കാം

or download from here

source : http://www.ssfmalappuram.com/